سلسلة دروس كيفية الربح من الانترنت بالعمل على موقع فايفر (الجزء الثانى)

How to register @Fiverr

سلسلة دروس كيفية التسجيل والعمل على موقع فايفر

الجزء الثانى (إنشاء خدمة جديدة مميزة)

شكل الخدمة

أولا لازم نعرف إن الخدمة فى موقع فايفر إسمها Gig ولازم نعرف كمان ان اسم الموقع مشتق من فكرته وهى انه يقسم اى شغلانه كبيرة لمجموعة صغيرة جدا من الخدمات تكون كل خدمة منهم بمقابل 5$ فقط ومن هنا تم تسميته Fiverr. وده سبب ان اقل خدمة على الموثع مقابلها 5$ فقط ولكن من الممكن اننا نعرض خدمات بمضاعفات الـ 5$ زى ما نحب. كمان الموقع بيطلق على الفريلانسر اسم البائع seller وعلى العميل إسم المشتري Buyer.

حدود عرض الخدمات والتقديم على الطلبات

الموقع بيحدد لكل بائع جديد عليه انه يعرض حتى 7 خدمات Gigs بحد أقصى فى بدايته. وبيسمحلك انك تقدم على 10 طلبات خدمات بحد اقصى فى اليوم الواحد.

بعد ما البائع بيوصل البروفايل بتاعه لممستوى الأول بيقدر يعرض خدمتين اضافيتين فيبقوا 9 خدمات. وهكذا عدد الخدمات اللى تقدر تعرضها بيزيد مع مميزات تانية كل ما مستواك عل ىالموقع بيرتفع. وديه ممكن نفرد لها موضوع لوحده ان شاء الله لان فيها كلام كتير.  عشان منضيعش وقت كتير عليها فى الوقت الحالى.

خطوات انشاء خدمة جديدة (المراحل الستة لإنشاء الخدمة)

  • بعد ما خلصنا كل بياناتنا هندخل على الداش بورد من تانى هيظهرلنا الشاشة زى الصورة 1.
fiverr Fashboard
صورة 1

هنختار اللينك اللى متعلم عليه بالاصفر فى الصورة Your user profile is incomplete please ed..

  • هتظهرلنا الشاشة زى الصورة 2. ومنها هندوس على Create Gig لإنشاء خدمة جديدة وأول خدمة هنعرضها على الموقع.

New Gig

صورة 2

  • بعد ما هندوس على Create Gig هتظهرلنا شاشة جديدة فيها الجزء اللى فى الصورة 4

المرحلة الاولى من مراحل انشاء خدمة جديدة وعنوان المرحلة Overview

Gig Overview
صورة 3

رقم 1 فى الصورة هو عنوان الخدمة اللى هنقدمها وده اللى بيظهر على صورة الخدمة لما العملا بيفتحوا الخدمات عشان يختاروا منها. وفى الصندوق النصي كلمة I will ثابته واحنا بنكمل بعدها وبتكب بحد اقصى 80 حرف. وانا هبدا املى البيانات معاكم كأنى بنزل خدمة جديدة عن تصميم اللوجو او الشعار. فى الحالة ديه هكتب هنا مثلا جمب كلمة Iwill هكتب Design an amazing Logo.  العنوان كل ما يكون بسيط ومعبر عن نوع ومستوى خدمتك يبقى افضل من العناوين الطويلة.

خانة 2 فى الصورة بنختار منها التصنيف الخاص بالخدمة Category وفى حالتنا ديه التصنيف هو ال Graphics & Design وبعد ما بنختار التصنيف بيطلب مننا بيظهرلنا خانة للتصنيف الفرعى جمبها وبنختار منها هنا Logo design. بعد ما بنختار التصنيف الاساسي والفرعى بيظهرلنا الجزء اللى فى االصورة 4.

Gig Overview
صورة 4

الجزء رقم 3 فى الصورة 4 اسمه Gig Metadata وده بيكون فيه وصف البينات حسب نوع الخدمة. فى خدمة اللوجو هو عنده نوعين من البيانات اول حاجة الستايل الخاص باللوجو وزى ما فى الصورة 4 شايفين فيه 9 انواع styles متسجلة ونقدر نضيف حتى نوع غيرها باختيار Suggest other ونكتب فى الصندوق النصى اللى تحتها اسم الستايل الجديد. انا هنا هسيب نوع الستايل غير محدد زى ما هو اول اختيار not defined. وهدوس دلوقتى على File format اللى تحت كلمة  Style. هتظهرلى الشاشة اللى فى الصورة 5 واللى هختار منها التنسيقات اللى انا هشتغل عليها.

بعد كدة فى اخر خانة تحت بعنوان Search tags فى الجزء السفلى من الصورة 5. هكتب الكلمات البحثية الى لو العميل كتبها وهو بيبحث عن خدمة تظهرله خدمتى من ضمن نتايج البحث. ولينا نكتب حتى 5 بحد اقصى.  وفى الاخر هندوس على  Save & Continue باللون الأخضر فى يمين الشاشة تحت.

Gig Metadata
صورة 5

نروح بقى للصفحة اللى بعدها

المرحلة التانية من مراحل انشاء خدمة جديدة بعنوان Scope and pricing

واللى هتاخد مننا وقت شوية وديه صورتها

scope & pricing 1
صورة 6

رقم 1 فى الصورة بتبين انت فى انهى مرحلة من مراحل انشاء الخدمة ال 6 وهنا احنا فى المرحلة التانية هنلاقى كلمة pricing باللون الاخضر واللى بعدها باللون الرمادى عشان لسه مدخلناش بيانات خدمتنا فيه.

رقم 2 ده اختيار ان كنا عايزين نقدم الخدمة بنظام ال 3 رزم او 3 مستويات ولا هنقدم خدمة بسيطة من مستوى واحد. عشان نفعل نظام ال 3 مستويات خدمة بندوس على المفتاح اللى جمب كلمة 3 package نخليه باللون الاخضر زى الصورة اللى فوق.

ومستويات الخدمة هنا 3 اولهم ال Basic  والتانية ال standard واعلى مستوى هو ال Premium. والمفروض ان مستوى الخدمة بيتدرج بينهم يعنى فى ال standard نكون بنقدم حاجة زيادة عن اللى بنقدمها فى ال Basic   وفى ال Premium نقدم حاجة زيادة عن اللى بنقدمه فى مستوى ال standard. وده طبعا بينعكس على سعر المستويات بتتدرج بنفس الشكل. والعميل يقدر يختار مستوى واحد من الخدمة فى المرة الواحدة حسب الشغل اللى عنده.

رقم 3 ده بنحط اسم للخدمة ومينفعش هنا نعمل نفس الاسم فى ال 3 مستويات.

رقم 4 ده بنحط فيه وصف سريع لشكل الخدمة اللى بنقدمها فى كل مستوى.

رقم 5 بنختار منه عدد الايام اللى هنسلم فيها الشغل لكل مستوى. وهنا احب انبه لحاجة مهمة وهو ان فيه ناس بتحط اقل عدد من الايام عشان تبقى احسن من المنافسين فبيحددوا يوم واحد بس. ده شئ كويس لكن ليه عيب خطير وهو ان العميل يقدر يشترى خدمتك مباشرة بدون مراسلات مسبقة فانت لو اتشغلت فى يوم مثلا بالكامل او معظمه ممكن تيجى تفتح الموقع تلاقى عندك طلب خدمة مدفوع وفاضله ساعة وينتهى وقت التسليم. ساعتها انت هيتحسب عليك تاخير وده هياثر بالسلب على بروفايلك بعد كدة.

الحالة الوحيدة اللى نقدر نحدد فيها مدة التسليم بيوم هى اننا نكون متفرغين او متابعين للموقع ساعة بساعة ولو جالنا اوردر هنقدر نسلمه فى يوم فعلا حتى لو كنا مشغولين. ونصيحة مهمة جدا هنا يفضل جدا يكون معاك تليفون حديث فيه انترنت واندرويد عشان تنزل برنامج الموقع https://play.google.com/store/apps/details?id=com.fiverr.fiverr على موبايلك عشان تقدر ترد على الاوردرات اللى بتجيلك والرسايل فى لحظتها لان ده مهم جدا فى بروفايلك والتاخر فى الرد بياثر بالسلب على بروفايلك.

رقم 6 وده بيمثل عدد المرات اللى العميل يقدر يطلب منك فيهم التعديل على الشغل. وتقدر انت تحدد من صفر يعنى العميل هتسلمه الشغل مرة واحدة وميقدرش يطلب اى مراجعة او تعديل عليه لحد اى عدد من التعديلات او المراجعات انت ممكن تقدمه وتقدر تختار لحد مالانهاية من المراجعات.  وان كان مالانهاية ده غيرواقعى لكنه لازال اختيار متوفر فى الجزء ده وهو لا يمثل الا اعطاء الثقة للعميل اننا هنفضل معاه لحد ما يكون راضي تماما عن شغلنا.

رقم 7 ده عدد الشعارات اللى هنقدمها لكل مستوى خدمة. ممكن نقدم شكلين مختلفين مثلا للشعار فى خدمتنا او اكتر.

رقم 8 هنا هو تشيك بوكس خاص بالملف المصدر الخاص بالشعار. لو سيبناه فاضي يبقى احنا غير ملزمين اننا نسلم العميل ملف التصميم نفسه وممكن نسلمه الشعار فى فايل بى دي اف او بي ان جي او جيه بي جي.  ومعظم الناس فى مجال التصميم بيقدموا الخدمة ال  Basic بدون ملف التصميم نفسه اللى ممكن العميل يطلبه لو طلب مستوى الخدمة ال Standard. لكن احنا فى البداية ممكن نسلمه عادى لحد ما نعمل يكون لينا تقييم كويس على الموقع وبعدين نعمل زى باقى الناس.

وديه صورة لنفس الاجزاء بعد ما مليتهم بالبيانات (صورة 7) الخاصة بخدمة تصميم اللوجو.

scope & pricing 2
صورة 7

فى الصورة اللى تحت ده الجزء التانى من الصفحة نفسها وواضح انها كلها حاجات ليها علاقة بطبيعه الخدمة نفسها عشان كدة هنلاقيها بتختلف معانا حسب نوع الخدمة اللى بنقدمها. هنا رقم 1 فى الصورة الجديدة هل اللوجو اللى هتعمله ليه خلفيه شفافه ؟

رقم 2 الاخ اللى بيجهز الصور وقع 2 من الترتيب معلش (مخصوم منه يومين 🙂 )

رقم 3 ده هل هتقدم تصميم عالى الدقة. ورقم 4 هل هتقدم تصميمك على موك اب ثلاثي فى صورة ثلاثية الابعاد.

اعتقد مفيش داعى نكمل النقاط الفنية ونتكلم فى المهم بس اللى هو رقم 8 السعر اللى بنحدده لكل مستوى خدمة وزى ما شايفين في الصورة 8  اللى على الشمال ده الخدمة ال Basic اقل سعر والسعر بيتدرج ويبقى اعلى فى المستوى اللى على اليمين اللى هو ال premium وهنلاحظ اننا مقدمين فيه مميزات اكتر من المستويين اللى قبله زى مثلا فى رقم 4 احنا عرضنا تصميم ثلاثي الابعاد لللوجو فقط فى المستوى الاعلى من الخدمة وكمان هنديله ملف التصميم نفسه وكمان اديناله عدد غير محدود من المراجعات زى ما باين فى الصورة 7.

scope & pricing 3
صورة 8

بعد ما بنخلص المميزات الرئيسية اللى هنقدمها فى خدمتنا بالمستويات ال 3 بتوعها فيه حاجة اسمها اكستراز أو إضافات وديه ميزة جميلة اوى بتسمحلك تعرض على العميل حاجات اضافية بمقابل انت بتحدده زى مثلا تعرض على العميل فى الحالة بتاعتنا ديه انك تصممله كارت بيزنس وتحط عليه اللوجو اللى انت صممته ده وهكذا. فى الصورة 9 انا مليت بيانات افتراضية عن اضافات انا حطيتها لخدمة تصميم اللوجو هشرحها تحت الصورة.

Gig Extras
صورة 9

فى الصورة 9 الاضافات اللى هنعرضها على الخدمة بتاعتنا. بس الاول مهم نعرف اننا ممكن نعرض الخدمة بتاعتنا بدون اى اضافات خالص. ده جزء اختيارى ممكن تسيبه خالص عادى ومنختارش حاجة منه.

اول حاجة فى الصورة Extra fast delivery  وديه مقصود بيها انك ممكن تسلم الخدمة فى وقت اقل من اللى انت محدده فى الخدمة نفسها فانا فوق هنا محدد عدد ايام اقل بيوم واحد فى كل مستوى ومحدد كمان المقابل فى كل مستوى.

تانى حاجة ال Additional revisions وديه انا سايبها فاضية لان نادرا ما عميل هيدفع فلوس مقابل مراجعات اضافيه لشغله بس ممكن انت تحددها او تسيبها حسب طبيعة خدمتك.

تالت حاجة Additional logo  لو العميل حب تعمله تصميم اضافى لنفس الشغل. وفى الحالة ديه انت بتحدد عدد الايام الاضافية اللى هتزودها على مدة الخدمة عشان تسلم الشغل + الاضافة لو العميل طلبها.

رابع حاجة هو ملف المصدر وده ممكن العميل يطلبه كاضافة لو كان مشترى الخدمة من المستوى ال Basic اللى احنا فيها فى المثال ده محددناش على تسليم ملف التصميم فالعميل لو احتاجة وهو شارى المستوى ده ممكن يطلبه كاضافة.

خامس حاجة 3D Mockup  وده احنا بنقدمة فى المستوى ال Premium  فقط فبنعرضه هنا لو العميل اشترى مستوى خدمة اقل ممكن يطلبه كاضافة بمقابل.

فى الاخر هنلاقى لينك + Add Gig Extras وده لو احنا عايزين نعرض اضافة غير اللى شوفناهم زى ما قولنا من شوية مثلا نعرض تصميم كارت بيزنس ووضع اللوجو عليه وهنا بنحدد اسم الاضافة ونوصفها ونحدد سعرها وعدد الايام الاضافية اللى هنحتاجها لتسليمها. بعد ما نخلص كل ده هندوس على Save & Continue.

بعد ما خلصنا بيانات ال Overview  وال Pricing هندخل على

المرحلة الثالثة من مراحل انشاء خدمة جديدة وعنوان المرحلة  Description & FAQ

وده جزء بنكتب فيه كل اللى العميل هيحصل عليه لما ييشترى خدمتك وده بالظبط زى ال Cover letter اللى كنا بنقدم بيه على شغل فى مواقع زى ابورك وفريلانسر. واحسن طريقة عشان نعرف نكتب وصف ممتاز لخدمتنا اننا نعمل بحث فى الموقع باسم الخدمة بتاعتنا ونستعرض الخدمات المنافسة من نفس النوع ونشوف كاتبين ايه ونحاول نقتبس منهم مع التعديل والتحسين والتغيير.

وده اللى انا عملته فى الصورة 10 اخدت كوبي من وصف خدمة منافسه وحطيته على وورد فايل وعدلت فيه حسب اللى انا هقدمه فى خدمتى وظبطته وشيلت اللى انا مش محتاجه ونزلته هنا.

Description & FAQ
صورة 10

فى كمان فى نفس الصورة اللى فوق حاجة اسمها Frequently Asked Questions وهنا مقصود بيها الأسئلة اللى العملا بتوعك دايما بيسألوهالك وانت هنا بتكتب السؤال وإجابتك عليه عشان توفر على العميل انه يدخل يسألك نفس السؤال فى رسالة خاصة. طبعا انا لسه متعاملتش مع عملا يعنى مفيش عميل سألنى عن حاجة قبل كدة تخص خدمتى. بس مش شرط العميل يسألنى الأول انا ممكن اكتب اى سؤال ممكن يخطر على بال العميل واجابته.

هنخلص الجزء ده وندوس على Save & continue هيظهرلنا

 الجزء الرابع من مراحل انشاء الخدمة بعنوان Requirements

 وده بتكتب فيه الحاجات اللى العميل لازم يقدمهالك عشان تقدر تقدمله الخدمة وفى المثال اللى احنا شغالين عليه الخاص باللوجو ممكن منطلبش منه غير وصف لشكل اللوجو وخلاص بس ممكن يكون عنده لوجو قديم عايز يطورة فممكن تكتب انت لو فيه صورة او لوجو قديم انه من متطلبات الخدمة بحيث ان الاوردر بتاع العميل مش هيبدا غير لما يبعت الفايلات المطلوبة ويجاوب على كل المتطلبات اللى انت حددت انها اساسية فى خدمتك.  بعد ما هنكتب المتطلبات (صورة 11) هنضغط على save & continue.

Requirements
صورة 11

هنوصل للمرحلة الخامسة من مراحل انشاء خدمة جديدة وهى بعنوان Gallery

زى ما هو موضح فى الصورة 12 وهنا بتقدر تحط صور تعبر عن الخدمة بتاعتك وممكن تحط فيديوا كمان لو  عندك او فايل امتداد PDF.  واذا كان كل خطوة فى الخطوات السابقة مهمة جدا نهتم بتفاصيلها الا ان الجاليرى هو يعتبر اهم عنصر من عناصر الخدمة بتاعتك على موقع فايفر لانه ببساطة اول حاجة عين العميل بتيجى عليها وهو بيدور على خدمة من النوع بتاعك. لازم الصورة تكون جذابة، ملفته للنظر، واضحه، خاصة بيك بمعنى متنزلش صورة من على النت وتحطها كصورة لخدمتك لان ممكن الموقع يرفض يعرض خدمتك من الاساس فى الحالة ديه. ونفس الكلام فى الفيديو متنزلش فيديوا من على اليوتيوب وتحطه على خدمتك لانه بالتاكيد هتترفض خدمتك على الموقع وممكن حسابك يتقفل خالص فى الحالة ديه لمدة 3 شهور. اللى المفروض تعمله انك تنزل صورة احسن لوجو انت كنت عامله. وبصرف النظر عن نوع الخدمة حاول انت تنزل صورة انت اللى واخدها تعبر عن شغلك حتى لو اضطريت تخلى صديق محترف فى الفوتوشوب يعملك صورة خاصة بيك او فيديو قصير.

من حقك كمبتديء انك تحط صورة اساسية لخدمتك اللى هتظهر للمشترين على الموقع ومعاها صورتين كمان حد اقصى وليك 3 فايلات فيديو حد اقصى و3 فايلات PDF ايضا حد اقصي. علما ان الحد ده بيزيد لما مستواك فى الموقع بيرتفع.

بعد ما هنخلص وضع الصور هنضغك على save & continue.

Gig Gallery
صورة 12

هنوصل للجزء السادس والاخير من مراحل  انشاء الخدمة بعنوان Publish

  زى ما فى الصورة 13.

هنا صورة 13 بيقولك تهانينا احنا تقريبا خلصنا. بس قبل ما تنزل خدمتك لازم تكتبلهم رقم تليفونك كاجراء امنى وبيبعتلك عليه كود تفعيل بتدخله على الصفحة.

Almost there
صورة 13

بعد ما بتدخل كود التفعيل بيدخلك على الشاشة اللى فى صورة 14

Publish Gig
صورة 14

بتدوس على Publish Gig هتظهرلك الشاشة ديه صورة 15

Its Alive
صورة 15

كده الخدمة اتقدمت للموقع خلاص بيراجعها ويبعتلك ايميل بعدها يعرفك ان كان اتوافق عليها ونزلت او لو فيه مشكلة فيها بيقولك عليها.

دلوقتى نقدر اننا ندوس على Done  وانتهى دورنا لحد كدة من اللحظة ديه ممكن اى عميل بمجرد موافقة الموقع على الخدمة يتصل بينا اى عميل عن طريق الرسايل الخاصة او حتى يشترى الخدمة مباشرة بدون مراسلة مسبقة.

بس احنا هنا نقدر نعمل حاجة عشان ننشر بيها الخدمة بتاعتنا بشكل اكبر ونوصلها لعملا اكتر محتملين. لو شوفنا الصورة اللى فوق قبل ما ندوس Done  فيها من تحت مجموعة شعارات لمواقع التواصل الاجتماعى فيس بوك وتويتر وجول بلس ولينكد ان وفيه لينك ايميل كمان جمبهم. طبعا انا بنصح اللى هيشتغل على فايفر انه يعمل لنفسه اكاونت على كل المواقع ديه وده شئ مهم جدا.

انا دلوقتى عامل للاكاونت ده حساب على الفيس بوك هنشر عليه الخدمة. فهدوس على لوجو الفيس بوك هنظهرلى الصورة ديه (لو انت مفتحتش الاكونت بتاع الفيس بوك على البراوزر ده قبل كدة ممكن يطلب منك الايميل والبسورد الاول بتاع حسابك وبعدين يدخلك على الصفحة ديه(صورة 16))

Post Gig to Facebook
صورة 16

من الصفحة ديه ممكن اننا ندوس على Publish to Facebook مباشرة او لو عايزين ممكن نكتب اى حاجة فى البوست هتبقى ظاهرة قبل لينك ال Gig بتاعتك.

بعد ما دوست Publish to Facebook دخلت على الوول بتاع حسابى على الفيس بوك عشان اتاكد انها نزلت عليه وهى بالفعل نزلت زى ما فى الصورة 17

Gig Posted to Facebook
صوؤة 17

بكدة كل الاصدقاء اللى عندى هتظهر عندهم ال Gig بتاعتى اللى انا نشرتها.

وفى الاخر هيرجعنا المتصفح للصفحة الىى فى صورة 16 تانى وهندوس على Done.

وده هيكون شكل ال Gig على صفحة My Gigs اللى بيظهر فيها كل ال Gigs اللى احنا منزلينها. صورة 18

My Gigs
صورة 18

بكدة يبقى خلصنا الجزء التانى وإلى أن ألقاكم فى الجزء التالت الخاص بالترويج ونشر الـ Gigs التى نقوم بعرضها على فايفر.

دمتم فى رعاية الله

وتمنياتى بالتوفيق والنجاح للجميع.

أتمنى إن وجدتم أى معلومة أضافت إلى علمكم شيئا من هذا الدرس ألا تنسونا بالدعاء.

رابط الجزء الأول (كيفية التسجيل على موقع فايفر بالصور والخطوات)

سلسلة دروس كيفية الربح من الانترنت بالعمل على موقع فايفر – الجزء الأول

How to register @Fiverr

السلام عليكم ورحمه الله وبركاته

سلسلة دروس كيفية التسجيل والعمل على موقع فايفر

الجزء الأول (مقدمة عن الموقع وفتح حساب جديد عليه)

مقدمة عن موقع فايفر

موقع فايفر من اكبر مواقع العمل الحر والاكثر شعبية عالميا فى الفترة الأخيرة. حيث أن حجم الموقع كبر بعد التغييرات الغريبة اللى حصلت على مواقع ابورك وفرى لانسر الفترة الأخيرة زى زيادة ابورك لرسوم الخدمة وعمل تحقيق لشخصية الاعضاء عن طريق مكالمات فيديو.

المميز فى موقع فايفر انه بيعكس العملية المعتادة لمواقع العمل الحر على الانترنت. فبدل من إن الطبيعى هو إن العملا بيدخلوا الموقع وينزلوا الشغل بتاعهم الأول. بعد كدة الفرى لانسرز يدخلوا يدوروا عل ىالشغل المناسب لمهاراتهم ويقدموا عليه. بدل كل ده موقع فايفر بيعكس العملية بانه خلى الفرى لانسرز هما اللى ينزلوا خدماتهم والعملاء هما اللى هيدخلوا يبحثوا عن خدمة تناسب الشغل اللى هما عايزينه يتعمل.

جدير بالذكر هنا ان الموقع برضوا بيسمح للعملا انهم ينزلوا طلب خدمة لو عايزين وده ممكن الفرى لانسرز يدخلوا على صفحة طلبات العملا ويعرضوا خدماتهم على الطلبات المناسبة ليها.

ديه الميزة الرئيسية للموقع بجانب مميزات تانيه كتير هنذكرها فى مكانها ان شاء الله.

خطوات التسجيل فى الموقع:

ديه صورة الصفحة الرئيسية وهندوس مكان ما الاسهم الحمرا بتشاور Become a seller

Become a Seller
Figure 1 (Become a Seller)

هتظهرلنا الصورة (Figure 2:  ) ديه هندوس على نفس الكلمة فى المربع الاخضر زى الصورة

Become a Seller2
Figure 2 (Become a Seller 2)

 هتظهرلنا الصفحة اللى فى الصورة 3  (Figure 3) وفيها قدامنا 3 طرق نسجل بيهم :

Join Fiverr
Figure 3 ( Join Fiverr )

الأولى إننا ندخل الإيميل مباشرة (فى الخانة رقم 1) وندوس continue ثم نبدأ بعد كدة ندخل باقى البيانات.

الطريقة التانية إننا ندوس على Continue with Facebook (رقم 3 فى الصورة) وفى الحالة ديه لازم يكون عندك حساب على الفيس بوك.

الطريقة التالتة إننا ندوس على Continue with google (رقم 4 فى الصورة) وفى الحالة ديه لازم يكون عندك ايميل على جوجل ميل (@gmail.com).

أنا هنا هسجل عن طريق حساب جوجل مباشرة اللى هى الطريقة التالتة وده بالنسبالى افضل لانه بيوفر عليا ادخل بياناتى لان فى الحالة ديه الموقع بياخد بياناتك من جوجل ميل وبيطلب منك بس تكمل البيانات الناقصة. ده غير انك مش محتاج تعمل باسورد جديد وتنساه بعد كدة. 

لو انت مكنتش فتحت الايميل بتاعك على نفس متصفح الانترنت قبل كدة هيظهر ليك صفحة تطلب منك تدخل الايميل والبسورد وده هيبقى اول مرة بس فى التسجيل وبعد كده مش هتظهرلك تانى. بعد كدة هتظهرلك الصفحة اللى فى الصورة ديه (Figure 4) اللى بيطلب منك فيها الاذن بالحصول على بياناتك الرئيسية المتسجلة على حسابك فى جوجل. هتدوس على Allow عشان تديله التصريح ده.

  • Request for permission

Figure 4 (Request for permission)

  • هتظهرلك الشاشة ديه (Figure 5: Join Fiverr) وفيها الايميل اللى انت سجلت بيه وهيطلب منك تكتب اسم مستخدم يظهر للناس على الموقع والاسم ده مش شرط يكون اسمك الحقيقي يعنى ممكن تكتب اى اسم مستعار حتى عادى. بعد ما هتكتب اسم المستخدم الخاص بيك هتدوس على Join.
  • Join Fiverr

Figure 5 (Join Fiverr)

  • لحد كدة انت سجلت بياناتك الاساسية فقط وهتظهرلك الصفحة ديه. هندخل منها على البروفايل بتاعنا عشان نكمل باقى البيانات المهمة. هندوس على الدايرة اللى على الشمال فوق خالص وفيها اول حرف من اسمنا. فى الصورة هنا الدايرة لونها موف وفيها حرف L أول حرف فى اسم الاكاونت اللى سجلنا بيه. بعد ما ندوس على الصورة ديه هتنزلنا قايمة منسدلة هنختار منهاdashboard زى ما السهم الأحمر بيشاور (Figure 6).
  • Dash Board

Figure 6 (Dash Board)

  • الداش بورد ديه هنسخدمها كتير بعد كدة لانها بيظهر فيها كل الحاجت المطلوب مننا نعملها وهنلاقى فيها قايمتين واحدة اسمها to do list وديه بيبقى فيها الحاجات المطلوب مننا نعملها والقايمة التانية اسمها Notifications وديه فيها الاشعارات اللى بتجيلنا على الموقع.

حاليا هنلاقى 3 حاجات مطلوب مننا نعملهم واضحين فى الداش بورد (عليهم مربعات حمر فى الصورة (Figure 7) ).

هناخدهم بالترتيب وناخد اول واحد فيهم اللى بيقول Your user profile is incomplete. Please edit it

هندوس على السطراللى عليه رقم 1 فى الصورة .

To-Dos
Figure 7 (To-Dos)
  • هتظهر الصفحة الى فى الصورة ديه (Figure 8) هننزل للجزء السفلى من الصفحة مع الأسهم.
  • Active Gigs

Figure 8 (Active Gigs)

  . هننزل لحد الجزء اللى فى الصورة ديه (Figure 9) وهنبتدي نضيف المهارات اللى هنشتغل بيها على الموقع

Add New هنضغط على لينك 

Skills

Figure 9 (Skills)

10- هيظهر تحت الجزء بتاع المهارات الصورة ديه (Figure 10). هنبتدى ندخل المهارات بتاعتنا بحيث كل مرة نكتب مهارة واحدة وبعدين نحدد مستوى اجادتها من مبتدئ لمتوسط لمحترف وندوس Add وبعد كدة نكتب المهارة اللى بعدها وهكذا لحد ما نخلص. نلاحظ هنا ان واحنا بنكتب المهارة بتاعتنا مع كل حرف بنكتبه بتظهر المهارات اللى على لموقع بتبدا بالحروف اللى انت كتبتها تسهيلا عليك ومنعا للخطأ يفضل تدوس على اسم المهارة اللى هتظهرلك تحت صندوق النص اللى انت بتكتبه.

Skills
Figure 10 (Skills)

بعد ما هنكتب اول مهارة هيظهرلنا كمان اقتراحات بالمهارات الشبيهة تحتيها زى اللى فى الصورة اللى تحت ديه (Figure 11) بحيث نقدر ندوس عليها ونختارها مباشرة.

Skills suggestions
Figure 11 (Skills suggestions)

ملحوظة مهمة: معظم المهارات اللى هنسجلها هتكون بالفعل موجودة على الموقع فاثناء ما انت بتكتب الحروف الأولى منها هتظهرلك زى ما قلنا ولو مظهرتش اما انك تكون كاتبها غلط او انها مهارة مش موجودة قبل كدة على الموقع وفى الحالة ديه مفيش اى كلمات هتظهرلك وانت بتكتبها. متقلقش لو انت كتبت مهارة ملقيتهاش موجودة على الموقع ده عادى جدا. بالعكس ده شئ ممتاز لان انت كدة مشهيكون عندك منافسين للخدمة اللى هتقدمها على الموقع. بس التحدى هنا هو انك تقدر توصل للمشترين للخدمة بتاعتك. وده هنتكلم عنه بالتفصيل فى الجزء التالت من سلسلة الشرح. 

  • بعد ما هنختار كل المهارات بتاعتنا ونعمل حفظ للصفحة هندخل تانى على نفس المكان اللى دخلنا منه على الداش بورد زى الصورة ديه. هتنزل نفس القايمة اللى فيها الداش بورد بس المرادى هندخل على settings اى صفحة الإعدادات زى ما ظاهر فى الصورة (Figure 12).
  • Settings

Figure 12 (Settings)

فى المربع رقم 2 لصفحة إعدادات الحساب فيه كذا تاب او صفحة ممكن ندخل عليها اولهم Account اللى بخط عريض أول واحدة وديه اللى احنا واقفين عليها دلوقت.

المربع 3 فيه بياناتك الاساسية اللى هى اسمك بالكامل (غير الاسم اللى بيظهر للعملا) والايميل بتاعك وتالت حاجة حالة الاتصال الخاصة بيك Online status. وديه بتسمحلك انك تحدد حالتك بغير متصل لو كنت فاتح الموقع مثلا بس مشعايز تعرف العملا عشان متردش على مراسلات وانت مشغول. والموقع بيسمحلك انك تظهر نفسك غير متصل لوقت محدد او على طول لو تحب.

المربع 4 اول حاجة فيه اسمها Vacation mode ومعناها وضع الأجازة وده الوضع التلقائى بتاعه انه غير مفعل وبنفعله لما نكون هنبعد عن الموقع لكام يوم ومشعايزين يجيلنا اى طلبات شغل. وعشان نفعله بندوس على الدايرة البيضة الصغيرة اللى جمب كلمة Vacation mode is turned of هيفتحلنا شاشة صغيرة يسألنا عن سبب اننا عايزين نفعل وضع الاجازة. لكن احنا طبعا مشعايزين نفعله دلوقت لاننا لسه بنبدا  🙂 

الجزء التانى من مربع 4 ده مش هنسخدمه خالص الا لو قررنا اننا نقفل حسابنا على الموقع خالص وده مش موضوعنا.

بالنسبة للصفحة بتاعت ال Account مش هنغير فيها اى حاجة دلوقت وهندخل على الصفحة اللى بعدها فى مربع 2 تحت كلمة Account هندوس على كلمة Security. هتفتحلنا الصفحة ديه (Figure 13)

Security
Figure 13 (Security)

هنا الجزء الخاص بالبسورد مش هنعمل فيه اى حاجة الا لو حبينا نعمل بسورد مستقل عن بسورد حساب جوجل اللى دخلنا بيه وده مش مهم فى الوقت الحالى. الجزء التانى هو سؤال الأمان وده سؤال انت بتختاره زى اللى فى الصورة الجاية (Figure 14) وتكتب اجابته بحيث لو نسيت كلمة السر فى اى وقت بيتطلب منك تجاوب نفس الاجابة الى سجلتها فى الاول عشان يرجعلك البسورد بتاعك او يسمحلك تعمل بسورد غيره.  ولازم نحدد سؤال الأمان لان الموقع مش هيسمحلك تعرض أى خدمة قبل ما تعمل الجزء ده.

Security question
Fiverr 14 (Security question)

وبكدة احنا خلصنا البيانات الأساسية اللى هنقدر نشتغل بيها على الموقع.

طبعا انا لسه مسجلتش بيانات البنك او الكارت اللى هسحب عليه ارباحي لان ديه خطوة مش مهمة فى البداية. لاننا زى ما شوفنا وهنكمل الموقع مش بيشترط اننا نسجل بيانات البنك او الكارت عشان يسمحلنا نقدم على شغل. وتانى حاجة لما بنعمل شغل بتتحولنا الفلوس على حسابنا فى الموقع وبتفضل عليه لحد ما نعمل شغلانه واتنين وتلاته ونسحبهم وقت ما نحب. وده هيبقى موضوع الجزء الرابع إن شاء الله 

أتمنى أن يكون الشرح نال إعجابكم 

وأسأل الله لكم التوفيق والنجاح إن شاء الله 

وإلى اللقاء فى الجزء الثانى من سلسلة دروس كيفية التسجيل والعمل على موقع فايفر

خمس نصائح لتساعدك على عمل بروفايل فريد على موقع فايفر

profile tips

من أهم الأشياء التى بنظر لها العميل قبل شراء أى خدمة من مواقع العمل الحر هو الملف الشخصي للفري لانسر. لذلك فإن إنشاء ملف شخصي متميز هو مفتاحك لتتمكن من بيع خدمتك بنجاح على موقع فايفر.

إليك بعض النصائح الهامة التى ستساعدك على تحديث ملفك الشخصى على موقع فايفر لجعله يبدو أكثر احترافية:

1- إستخدم صورة شخصية ملفته للنظر

بالرغم من اننا نرى فى بعض الاحيان خدمات يستخدم اصحابها صور غير شخصية كارتون او افاتار او حتى خلفية طبيعية كصورة للملف الشخصي الخاص بهم على موقع فايفر، لكن مع ذلك تبقى الخدمات المعروضة من مستخدمين اخرين يضعون صورا شخصية متميزة على ملفهم الشخصي هى الأكثر جذبا لإنتباه مشترى الخدمات. وبصفة خاصة المستخدمين الجدد على الموقع حيث ان وضع صورة احترافيه ممزية يعطى انطباع لدى مشترى الخدمات على الموقع بان عارض الخدمة هذا أهلا للثقة ومحترف.

ومن الطرق الشائعة للحصول على صورة مميزة هى طلب تعديل على الصورة من محترف فى الرسوميات ليضع عليها بعض اللمسات الرسومية التى تزينها وتعطيها مظهرا مميزا. ويوجد بالفعل الكثير من المستخدمين على موقع فايفر يقدمون هذه الخدمة. وهذا يسمح لمشترى الخدمة أن يري من انت فى نفس الوقت ولكن اصبحت صورتك مميزة عن الصور الشخصية لباقى مقدمى الخدمة على الموقع.

2- الترويج للخدمة

إذا كنت تمتلك المهارات اللازمة للترويج لصفحتك الشخصية وخدماتك بنفسك فلتفعل ذلك. علما أن الترويج هذا يحتاج إلى خبرة فى إدارة شبكات التواصل الإجتماعى وبعض الخبرة على برنامج الفوتوشوب لتتمكن من تعديل الصور المستخدمة فى حملات الترويج عند اللزوم. وفى حالة عدم امتلاكك لتلك المهارات فيمكنك ان تقوم بالاستعانة بخبير تسويق محترف ليساعدك على الترويج لصفحتك الشخصية من خلال منصات التواصل الاجتماعى المتعددة.  وذلك سيجعل صفحتك الشخصية تظهر أمام العديدن من العملاء المحتملين لخدمتك ومن ثم تحقيق مبيعات أفضل.

3- تجنب الأخطاء الإملائية والنحوية والكتابية

فلا شك أن وصف الملف الشخصي المكتوب بعبارات تحتوى على هذا النوع من الاخطاء او لم يتم بناء الجمل فيها بشكل سليم ومفهوم يؤدى فى النهاية لتكون انطباع سيء لدى مشترى الخدمة المحتمل وقد يدفعه لصف النظر عن شراء خدمتك. حيث ان ذلك يعبر عن عدم احترافيه مقدم الخدمة. ولكى تضمن خلو وصف ملفك الشخصي من مثل تلك الأخطاء يفضل ان تقوم بالاستعانة بمراجع نصوص محترف. ويمكنك أيضا ان تقوم من البداية بالاستعانة بمن يكتب لك وصفا متميزا لملفك الشخصى من اصحاب الخبرة والمتخصصين فى هذا المجال. ويوجد الكثير من مقدمى تلك الخدمة على موقع فايفر ايضا.

 4- اجعل نفسك سمة تجارية جيدة

من المؤكد أنك قد لاحظت ان الكثير من العملاء يشترون الخدمات الأغلى سعرا رغم وجود نفس الخدمات معروضة على موقع فايفر باسعار أقل باضعاف فى بعض الاحيان. والسبب فى ذلك هو أن هؤلاء العملاء يهمهم الجودة والثقة فى المقام الأول. فالعميل منهم يفضل أن يدفع الضعف لمجرد ان يشترى الخدمة من فري لانسر له اسم وسمة تجارية انا بانه باع الكثير من الخدمات المماثلة من قبل او انه حاصل على اوسمة تضمن كفائته والتزامه فى العمل.  وفى هذا المجال يمكنك يمكن الاستعانة بكاتب محتوى لبصنع لك شعارا جيدا يعبر عنك وعن شخصيتك والخدمة اللتى تقدمها.

وإاليك المزيد من النصائح حول التى ستساعدك على ايصال سمتك التجارية للعملاء المحتملين 

– حدد هدفك 

من تريد أن يعرف عن خدماتك؟ أى نوع من الناس من المحتمل أن يكونوا مهتمين بخدمتك؟ ومن ضمن هؤلاء كم منهم لديه الارادة بالاستثمار فى شراء خدمتك؟

بعد ذلك يمكنك وضع استراتيجيه للترويج لسمتك التجارية

– حدد منافسيك 

تحديد وفهم منافسيك هو مهم واساي جدا لسمتك التجارية. بفهم صفات منافسيك ستتمكن ان تستغل امكانياتك بشكل افضل لتحقيق حاجات جمهور خدمتك بشكل افضل من منافسيك.

– ضع تصريح لسمتك الشخصية 

بالبناء على الخطوتين السابقتين يمكنك ان تضع “تصريح سمتك الشخصية” الذي يعبر عن هويتك وما تفعله وكيف تفعله بشكل مميز عن الاخرين.

 5- قدم خدماتك بشكل ابداعى يبهر العملاء

معظم المستخدمين على موقع فايفر يستخدمون الصور فقط لتمثيل خدماتهم على الموقع. ولذلك إن لم تكن تقدم خدمة فريدة من نوعها على الموقع فانت تحتاج ان تقدم خدمتك بشكل مختلف. وإلا سيضيع ملفك الشخصي وسط الزحام الشديد لمقدمى نفس الخدمة على الموقع. ومن أكثر الطرق شيوعا لعمل تقديم مميز للخدمة هو بالاستعانة بمن يصنع لنا فيديوا مخصوص لشرح الخدمة سواء كان الفيديو يحتوى على تصوير لك تشرح الخدمة او عبارة عن ملفات عرض تم تركيب صوت شخص اخر عليها “فويس اوفر” او حتى فيلم كارتونى قصير يصف خدمتك.

هذه الطرق البسيطة قد تكون مكلفة ولكنها ستظهر للعملاء بكل تأكيد أنك استثمرت جيدا فى عملك ليظهر بافضل شكل مما سيشجعهم على الاستمثمار فى شراء خدماتك انت.

 

Read also The top Fiverr’s don’t do list – to have a perfect Gig

Other related topics: The features of the new analytics in Fiverr

الممنوعات العشر على موقع فايفر

Fiverr Don't

 الممنوعات العشر على موقع فايفر

1- ممنوع النشر على صفحة طلبات المشترين Buyers Requests

هذه الصفحة مخصصة للمشترين فقط (العملاء) بحيث يقدروا ينشروا عليها طلبات العمل اللى هما محتاجينه يتعمل. بالنسبة لاستخدام الفريلانسر على هذه الصفحة يقتصر على انه يقدم على طلبات الخدمات اللى عليها فقط (راجع هذا  الموضوع لتعلم كيفية التعامل مع صفحة طلبات المشترين).

النشر على صفحة طلبات المشترين عواقبه هى ان الموقع هيقفل حسابك اما لمدة 6 شهور فقط او ممكن يقفله بشكل نهائى. وراعى ان فايفر لما بيوقف حساب او بيقفله مش بيسمح لصاحبه انه يسحب فلوسه اللى عليه.

2- ممنوع إرسال ملفات الشغل فى رسائل خاصة

سواء كانت رسائل خاصة على فايفر نفسه او رسائل خارج الموقع يجب ارسال ملفات العمل فقط من خلال صفحة الطلبيات Orders فقط من خلال رابط او لينك المكتوب عليه Deliver work.

قلنا من قبل إن من أهم مميزات موقع فايفر إنه يسمح للفريلانسر إنه يحدد عدد المرات اللى يقدر العميل يطلب فيها تعديل reversions  اثناء إنشاء الخدمة بحيث لما العميل بيشترى الخدمة بيكون عارف ان من حقة طلب عدد معين من التعديلات يقدر يطلبها بشكل رسمي من العميل. لدرجة انه فى بعض الاحيان بعض الفريلانسرز بيقدموا خدماتهم بدون امكانية طلب اى مراجعات على الاطلاق. فى الحالة ديه لو الفريلانسر سلم شغلة بشكل رسمي بالطريقة التى تحدثنا عنها فى الفقرة السابقة يكون امام العميل عند الحاجة لطلب تعديل احد امرين اما قبول العمل اوطلب تعديل مدفوع (عن ).

أما اذا قام الفريلانسر بتسليم ملفات العمل من خلال رسالة خاصة بغير الطريق المحدد لذلك فسيخسر بذلك هذه الخاصية الهامة. ولن يتخلص ابدا فى هذه الحالة من طلبات التعديل المتتالية من العميل.

3- ممنوع استخدام الصور التى تحمل حقوق نشر واستخدام دون الحصول على هذا الحق

العديد من الفريلانسرز على موقع فايفر يقومون بنسخ الصور من على الانترنت واستخدامها كصور معبرة عن الخدمة الخاصة بهم دون الاكتراث بحقوق الملكية.

ويمثل ذلك خطأ فادحا لسببين:

الأول هو ان فى معظم الاحوال يكتشف موقع فايفر انك لم تحصل على حق استخدام هذه الصور من مصدرها وبالتالى يقوم برفض نشر خدمتك وفى بعض الاحيان قد يؤدى ذلك الى ايقاف حسابك نفسه على الموقع.

الثانى وهو ان معظم تلك الصور المستخدمة تكون شائعة الاستخدام بشكل كبير وربما رآها العميل من قبل اكثر من مرة وسيتعرف عليها بسهولة. وهذا سيعطى انطباع سيء لدى العميل قد يدفعه عن شراء خدمتك.

الحلول البديلة:

أولا: هناك العديد من الموقع التى توفر صور مجانية وعالية الجودة. يعض تلك المواقع يعطيك الحق فى استخدام تلك الصور كافة الاستخدامات. يمكنك اذا البحث فى تلك المواقع عن ما يناسب لتقديم خدمتك وتستخدمة مباشرة. ويمكنك كذلك اجراء اى تعديلات بسيطة عليه باستخدام برنامج الرسوميات الخاص بالويندوز باضافة عنوان خدمتك مثلا او اهم مميزاتها.

ثانيا: ان كنت تجيد استخدام الفوتوشوب فالحل الامثل هو استخدام صورة من تصميمك الخاص لهذا الغرض. وإن لم تكن تجيد استخدامه يمكنك حتى ان تطلب من احد الاصدقاء اعداد هذا التصميم لك. بل من الممكن حتى ان تقوم بشراء خدمة تصميم صورة لخدمتك من موقع فايفر او خمسات وهى من الخدمات الرائجة جدا على الموقعين. وتذكر ان هذا يعتبر بمثابة استثمار لك فكلما استثمرت فيه حقق لك عائدا اكبر ودفع ذلك العملاء للاستثمار فى خدمتك ايضا.

4- ممنوع كتابة بيانات خاطئة لوصف خدماتك

نلاحظ ان الكثير من الفريلانسرز يلجأون إلى الادعاء بان لديهم خبرة طويلة فى تقديم خدماتهم. ويعتقدون بذلك أن هذا سيساعدهم على الحصول على مشترين لخدماتهم الجديدة.

يلجأ ايضا البعض إلى القول بانهم يستطيعون تقديم خدمات لا يعلمون شيئا عنها حتى.

فى الحقيقة هم على صواب فى تفكيرهم. فالمشترين غالبا سيشترون فقط الخدمات المباعة ولها تقييم جيد جدا. لكنهم اخطأوا فى اختيار الحل الصحيح وحساب عواقب ادعاء الخبرة.

بالاضافة الي ذلك اذا اشترى احد العملاء خدمة لمدعى الخبرة فسيتوقع مستوى متقدم لهذه الخدمة لن تتمكن من تقديمه طالما لا تمتل الخبرة التى ذكرتها فى وصفك للخدمة التى تقدمها. وفى هذه الحالة سيكون من الطبيعى ان لا يرضى العميل عن مستوى الخدمة المقدم له. ومن ثم قد يقوم بالغاء العمل او قبوله واعطائك تقييم سيء. وفى الحالتين سيضرك ذلك كثيرا على المستوى البعيد والقريب. فقد يشترى العملاء خدمات جديدة لفريلانسرز بدون خبرة ولكن لن يشترى اى عميل خدمة حاصلة على تقييم عام سيء ابدا.

اذا كن صادقا وامينا فى وصف خبرتك فى تقديم تلك الخدمة ولا تقلق من عدم وجود مشترين. فغالبا ما تكون مرحلة ما قبل بيع اول خدمة هى الاصعب. ومن ثم ستتوالى الطلبات على تلك الخدمة. كما يمكنك اللجوء الى العديد من الاساليب المشروعة للترويج لخدماتك الغير مشتراه.

5- لا تكتب وصفا قصيرا لخدمتك

فإن ذلك يعطي انطباعا بان مقدم الخدمة غير مكترث بوصفها بالشكل الملائم. واذا جريت بحثا سريعا ستكتشف بنفسك ان الخدمات التى لها وصفا دقيقا مطولا اكثر مبيعا من تلك التى لها وصفا قصيرا.

6- لا تتأخر فى الرد على الرسائل الخاصة

وقت الرد على العملاء من اهم العناصر التى تستخدم لتقييم ادائك على الموقع. فحصولك على معدل رد سريع على رسائل العملاء سيعطى انطباعا جيدا لدى العملاء عنك. وعلى النقيض من ذلك قد يحجم العملاء عن شراء خدماتك ان كان معدل ردك على رسائل العملاء طويلا نسبيا (اكثر من ساعتين.

أفكار ستساعدك على سرعة الرد على العملاء 

  • ينضح بشدة ان يتوفر لديك هاتف ذكى يحتوى على انترنت طوال الوقت.
  • تأكد من انك متصل على حساب بريدك الالكترونى الذى استخدمته للتسجيل على الموقع.
  • سيرسل لك الموقع بريدا الكترونيا بكل تحديث يصلك بما فى ذلك رسائل العملاء.
  • تاكد من انك قمت بتفعيل التنبيه الصوتى على هاتفك الذكى لتنتبه لكل رسالة جديدة تصل الى صندوق بريدك الالكترونى.
  • قم بتنزيل تطبيق فايفر على هاتفك الذكى من موقع جوجل بلاى ستور.
  • سيقوم التطبيق بتنبيهك عند استلام اى رسالة او تحديث بنغمة صوتية.
  • اختر نغمة صوتية مميزة حتى تستطيع تمييزها عن باقى التنبيهات على هاتفك.
  • الاهم من كل ما سبق قم بالرد على ما يصلك من رسائل فى الحال.
  • إن كنت مشغولا ولا تستطيع قراءة الرسالة يمكنك ارسال رد سريع للعميل بانك ستقرا رسالته بعد كذا من الوقت وشكرا على تفهمك وانتظارك.
  • ان كنت فى الخارج ووجدت ملفات لا يمكن فتحها الا على الكمبيوتر فقم بالرد على العميل وابلغه انك قرات رسالته وسترد عليه فور وصولك لمكتبك وتنزيل المرفقات والاطلاع عليها.

7- لا تعرض مدة تسليم ابعد من المعدل الطبيعى

عند قيامك بانشاء خدمة جديدة يجب عليك مطالعة الخدمات الموجودة على الموقع من نفس النوع. ومراعاة ان المدة التى ستحددها للانتهاء من خدمتك لا تتعدى متوسط المدد لباقى الخدمات المعروضة من نفس النوع. وبصفة الخاصة تلك الخدمات الاكثر مبيعا. والحالة الوحيدة التى يمكنك فيها ان تتعدى تلك المدة هى ان تقدم الخدمة بشكل مختلف يتطلب المزيد من الوقت للانتهاء منه. أو ان تعرض سعر اقل من الجميع مقابل وق اطول للتسليم.  لكن ان كانت خدمتك بنفس الشكل كما فى باقى الخدمات من نفس النوع فلا يمكنك  عرض مدة اطول. وإلا العميل سيختار الخدمة المعروضة باقصر وقت للتسليم.

8- لا تقبل عدد طلبات شراء لخدماتك  اكثر من اللازم

كثير من الفريلانسرز يعتقدون انهم يجب ان يقبلوا جميع الطلبات التى تاتيهم لعدم تفويت اى فرصة لمضاعفة الارباح. وغالبا ما يتنهى بهم المطاف بالعجز عن تسليم بعض الخدمات فى وقتها. ويترتب على ذلك الحصول على تقييم سيء وعواقب اخرى منها ان الموقع قد يصنفك  كبائع من درجة اقل من درجتك الحالية.

الحلول المقترحة: 

  • اكتب فى نهاية وصف كل خدمة من خدماتك تنبية للعملاء بضرورة مراستلك اولا قبل الاقبال على شراء الخدمة. سيمكنك ذلك من تحديد الوقت المناسب لتسليم الخدمة وفقا لجدول اعمالك.
  • يمكنك تحديد الحد الاقصى للطلبات من كل خدمة فى نفس الوقت. بمعنى ان حددت هذا الرقم بـ 3 مثلا فان كان لديك ثلاث طلبات لا تزال تعمل عليها فلن يستطيع اى عميل ان يشترى نفس الخدمة قبل ان تقوم بتسليم واحدة من هذه الخدمات الثلاثة.
  • ان كان لديك الكثير من الطلبات ولا يمكنك قبول اى طلبات من اى خدمة من الخدمات التى تقدمها فى هذه الحالة يمكنك تشغيل خاصية او اشعار “Vacation mode ” والتى تعنى انك فى اجازة ولا يمكنك قبول اى طلبات على اى من خدماتك (راجع هذا الموضوع لمعرفة طريقة القيام بذلك).

9- لا تقوم بتسليم خدماتك متاخرا عن موعد تسليمها ابدا

بعض الفريلانسرز يلجأون إلى تقديم مدة تسليم اقصر مما يستلزمه العمل على سبيل المنافسة مع باقى مقدمى الخدمة. ويعتبر ذلك خطأ كبيرا فتسليم الخدمة فى موعدها هو من اهم عوامل نجاح أى فريلانسر ومن اكثر العوامل التى تؤثر على قرار العميل حول شراءه خدمتك. لذا حاول ان تجعل عناصر التنافس مع باقى مقدمى الخدمة على الموقع بعيده كل البعد عن موعد التسليم. فيمكنك المنافسة فى السعر والجودة او اى عنصر اخر الا موعد التسليم الا ان كنت واثقا انه يمكنك التسليم فى الوقت الذى حددته. وواثقا ايضا انك ستتمكن من الانتهاء من الخدمة قبل الموعد بمدة كافية للتصرف فى حال حدوث اى طارئ.

10- لا تقوم بالغاء تفعيل خاصية العلامة المائية على خدماتك

هذه الخاصية تكون مفعله تلقائيا على كل الخدمات التى تقوم بإنشائها. وتعنى ان الموقع يضع علامة مائية على الصور التى تستخدمها فى وصف خدمتك. واهمية هذه الخاصية تتمثل فى منع استخدامها من قبل الاخرين خاصة ان كانت من تصميمك الخاص.

فاذا قمت بالغاء تفعيل هذه الخاصية سيتمكن مستخدمى الموقع من الحصول على تلك الصور واعادة اسخدامها لعرض خدمة مماثلة او فى اى شيء اخر.

مواضيع ذات صلة

إذا كنت جديد على موقع فايفر فيمكنك قراءة سلسة الشرح الخاصة بي والتى حققت اعلى نسبة مشاهدة على الموقع. وهى مكونة من ثلاث أجزاء:

الجزء الأول: التسجيل على الموقع  

الجزء الثانى: كيفية إنشاء خدمة جديدة بشكل احترافى

الجزء الثالث: كيفية الترويج لخدمتك والتقديم على طلبات المشترين

شكرا على متابعتكم ونتمنى لكم التوفيق فى اعمالكم وتحقيق اعلى المبيعات من خدماتكم.