هل العمل عبر الإنترنت مضمون؟ وكيف أتجنب النصب والإحتيال؟


تجنب النصب فى التعامل مع العملاء من خلال مواقع العمل الحر

كما قلنا من قبل ان معظم المواقع التى عملت كوسيط بين العميل والفريلانسر تاخد قيمة العمل من العميل قبل أن يبدأ العمل وعندما ينتهى العمل تقوم بتحويله لك بطلب العميل او رغما عن ارادته ان تاخر فى استلام العمل وقمت انت بعمل المطلوب منك وتسليمه دون تاخير بعد مرور مدة زمنية من وقت تسليمك العمل تختلف من موقع لآخر.
لكن بالرغم من ذلك هناك بعض المواقع لا تاخد اموالاً من العميل قبل بداية الشغل وهنا يجب على الفريلانسر أن ياخد حذره ويراقب بنفه بعض المعايير التى سيقرر على ضوئها ان كان العميل محل ثقه أم لا. هذه المعايير تختلف من موقع لموقع لكن اهمها مثلا ان العميل يكون رابط حسابه على الموقع بحسابه البنكى وان العميل يكون نزل شغل قبل كدة ودفع عليه فلوس وده بيبان على الموقع ايضا. كما يجب ان يكون العميل لديه تقييم جيد من الفريلانسرز الذين سبق وأدوا أعمالاً له. ويفضل أيضاً ألا نبدأ العمل مع العميل قبل أن يودع المقابل المتفق عليه فى الموقع.
إجمالاً يمكنك من البداية إختيار المواقع التى تضمن لك تقاضى أتعابك من العميل ضماناً كاملا. أما إن اخترت العمل مع مواقع لا تقدم الضمان الكامل ففى هذه الحالة عليك توخى الحذر الشديد فى إختيار العملاء الذين ستتعامل معهم. وننصحك أيضا فى هذه الحالة الرجوع إلى سياسة الموقع فكل هذه المواقع تقدم النصائع والتوجيهات التى تساعدك على ضمان حقوقك.

كيف تتجنب التعرض للنصب فى مرحلة سحب أرباحك؟

fraud

كل مواقع العمل الحر تسمح لمستخدميها أن يحتفظوا بارباحهم على حساباتهم على تلك المواقع إلى أن يقرروا أن يسحبوا أرباحهم من الموقع. وعندما تقرر سحب أموالك ستجد العديد من الاختيارات المتوفرة للسحب بعضها يحتاج إلى شروط وإجرائات معقدة وبعضها يحتاج إلى مصاريف كثيرة. وفى الدول العربية بصفة خاصة توجد صعوبات إضافية تعوق عملية سحب الأرباح من مواقع العمل الحر وتجعلها أكثر صعوبة. كل ما سبق أدى لظهور ما يسمى بالوسطاء الماليين أو وكلاء السحب. الوسطاء هم أشخاص طبيعيين يقومون بمساعدة من لديهم أرباح على مواقع العمل الحر فى سحب أموالهم من تلك المواقع مقابل بعض الرسوم. وهنا تأتى الخطورة والثغرة التى تمكن البعض من انتحال صفة هؤلاء الوسطاء لتقوم بتحويل أرباحك إليهم ثم يختفوا تماماً دون أن تري شيئاً من أرباحك. لذا إن قررت أن تسحب أموالك من خلال الوسطاء فعليك التأكد من شخصيه من تتعامل معه جيدا وأن تأخذ كافة الضمانات الضرورية لتجنب الوقوع فى فخ عمليات النصب تلك.

تقسيم مواقع الربح من الإنترنت حسب مستوى الضمان والأمان

قبل أن تقرر أن تبدأ العمل على موقع من مواقع العمل الحر يجب أولا أن تعرف مستوى الضمان الذي يقدمه الموقع لمستخدميه ولا سيم الفريلانسرز. فهناك مواقع تضمن لك حقوقك بنسبة 99% وهناك مواقع تضمن لك حقوقك بنسبه 50% وهناك أيضا مواقع لا تقدم أى ضمانات سوى وعود وآمال وهناك مواقع هى نفسها من تقوم بالإحتيال على المستخدمين تحت شعار أربح من الإنترنت بدون أى مجهود.

ولتسهيل هذه المهمة عليك قمنا بتقسيم تلك المواقع إلى ثلاث مستويات من حيث الضمان فإن كان الموقع الذى ترغب بالعمل عليه ضمن المستوى الأول من مستويات الأمان والضمان فيمكنك العمل عليه دون أى تخوف من الوقوع فى أى عمليه نصب من أى عميل من خلال هذا الموقع. وإن كان من النوع الثانى فيمكنك العمل عليه لكن لعد إتخاذ الإحتياطات اللازمة وأخيرا إن كان من النوع الثالث فمن الأفضل ان لا تعمل عليه مطلقا فهو إما مضيعه للوقت دون فائدة أو يستخدم الإحتيال للحصول على أهدافه بتقديم وعود ذائفه لرواده.

النوع الأول: الأكثر اماناً

secured

 

اضمن انواع المواقع هو النوع اللى مش بيسمح للعميل من الاساس انه يطلب شغل من حد ال لما يقوم بايداع مبلغ الشغل كامل فى الموقع كضمان لسداد مقابل الشغل وامثله للمواقع اللى بتعمل كدة موقع من المواقع الاجنبية هو موقع فايفر.

الموقع ده مش بيسمح للعميل يشترى منك خدمة او يسجل اوردر اصلا قبل ما يكون حسابه يغطى ثمن الخدمة واول ما بيعمل الاوردر الموقع بيسحب ثمن الخدمة من حسابه ويخليه عنده لحد ما تخلص شغلك واول ما تخلصه وتسلمه للعميل لو العميل قرر ان الخدمة اكتملت الفلوس بتتحولك من الموقع مباشرة اما لو العميل مردش عليك لمدة 3 ايام فقط الموقع بيحولك فلوس الشغل كاملة والعميل ميقدرش يرجعها تانى فى الحالة ديه او يعترض على اى حاجة لانه عدى الفترة بتاعة مراجعة الشغل الخاصة بيه.

ومن المواقع العربية التى توفر نفس النوع من الضمان موقع خمسات.

النوع التانى من المواقع ذات الضمان المتوسط

medium secured

هى مواقع بتركز اكتر على ارضاء اكبر كم من العملاء فبتقبل ان العميل يطلب خدمات وهو معندوش حساب بنكى مربوط بحسابه على الموقع اصلا وده ممكن بكل بساطة ينصب على الفريلانسر وميدفعلوش اى فلوس بعد ما يستلم الشغل. وممكن كمان العميل يكون رابط حساب بنكي بحسابه على الموقع لكن الموقع مش بيسحب من حسابه ال باذنه وفى الحالة ديه ممكن برضوا العميل ميدفعش للفريلانسر بعد ما يستلم الشغل. وامثلة للمواقع ديه موقع ابورك والحل للمشاكل ديه مش صعب.

أول حاجة عشان منكونش فريسة للنصب على النوع ده من المواقع اننا منعملش شغل لاى عميل غير مفعل لطريقة الدفع يعنى مش رابط حساب بنكى بحسابه على الموقع وديه حاجة كل مواقع العمل الحر بتوضحها على حساب العميل.

تانى حاجة اننا حتى لو العميل رابط حساب بنكى بحسابه منبداش معاه شغل ال لما يعمل ايداع على الاقل لجزء من ثمن الشغل على الموقع وده فى موقع زى ابورك اسمه milstone بحيث ان كل شغلانه ممكن تتقسم لمجموعة من الاجزاء تسمي milestones والعميل يقدر يدفع فلوس العقد اجزاء بتقسيمها على المراحل ديه كل ما يستلم جزء من الشغل يعمل تحويل لجزء من المبلغ ويقوم بايداع جزء جديد للجزء الجديد من الشغل.

تالت حاجة اننا نراجع تقييم العميل لو كان عميل قديم ونشوف التقييمات اللى واخدها من الفريلانسرز بتقول ايه لو بيعمل مشاكل فى الدفع هنلاقى فريلانسرز بيشتكوا من كدة فى التقييم.

النوع الثالث وهو المواقع عديمة الضمان او اللى بتقدم شغل عديم الفائدة والعائد تقريبا

بيدخل تحت راية مواقع الربح من الانترنت بعض المواقع اللى بتحقق للفريلانسرز ربح قليل جدا والفريلانسر فيه مش بيقدم اى شغل ممكن يحقق ليه اى فايدة ومش ممكن يتعلم منه اى حاجة مفيدة وممكن فى نفس الوقت ميكونش حتى بيحقق منفعه للجهة اللى بيعملها الشغل والمستفاد الوحيد هنا هو الموقع الوسيط. أمثلة كتير للمواقع ديه هنقول من اهما:

مواقع وبرامج عرض الاعلانات

adsense

وديه انتشرت كتير جدا وهى شغلها عبارة عن انك تنزل برنامج او تفتح موقع بيعرض اعلانات على شاشة الكمبيوتر بتاعتك وبتسيبه مفتوح طول النهار والليل او على موبايلك والمفروض انك انت بتكسب مثلا 1 سنت عن كل ساعة تشغيل او اى مبلغ بس غالبا بيكون مبلغ تافه لو حسبت تكلفة تشغيل الكمبيوتر بتاعك من معدل اهلاك لمعدل استهلاك للكهربا والانترنت هيكون اكتر من المبلغ اللى هتكسبه باضعاف. وبيبقى مطلوب منك أبضا انك تفتح أكبر عدد ممكن من الاعلانات واحيانا الفديوهات وبعضها حتى لا يعطيك عليه الموقع أى مقابل. وفى نفس الوقت انت لا تتعلم اى شيء مفيد ينفعك تطور نفسك وتشتغل بيها. ده غير انك هتلاقى نفسك مضطر تقفل اعلانات المواقع الى بتجيب ربح اكتر لما بتعرضها لانها مواقع عن البوكر والبورنو والمواقع الشبيهة.

مواقع تعبئة الاستبيانات

 

اشهر المواقع ديه هو موقع اسمه يوجوف وفكرة المواقع ديه انها بتقوم بعمل ابحاث تسويقية لحساب شركات كبيرة عشان تاخد على ضوئها قراراتها التجارية. المواقع ديه بتوهمك ان انت هتكسب اكتر من 50$ كل شهر بمجرد انك surveyتملى كام استمارة استطلاع رأى كل يوم وكل واحدة هتاخد 10 دقايق مثلا فقط. اللى بيحصل ف ىالواقع ان الموقع من الاساس مش بيبعتلك استمارات كل يوم بل ممكن يبعتلك استمارتين فقط فى الشهر وحسب بلدك ونوعك وجنسك وبيانات تانية بيحدد مقابل الاستبيان الواحد من النقاط وغالبا بيكون ضعيف جدا للدول الفقيرة لان العينة تبعنا مش محل اهتمام اصحاب القرار اصلا. فالنتيجة ان ال 50$ اللى وعدوك تعملها فى شهر هتعملها فى سنتين او سنة لو كنت محظوظ والحقيقة ان اللى ممكن يعملهم فى شهر هو مواطن من الولايات المتحدة مثلا او انجلترا واللى هو مشفاضى اصلا للكلام الفاضى ده لانه راجل بيشتغل ب 2000 جنية استرلينى فى الشهر او 20$ فى الساعة فمشهيجرى ورا 50$ فى الشهر. وعشان الموقع يحقق نسبة انتشار اكبر وفى نفس الوقت يحافظ على الناس اللى بتكتشف الحقيقة ديه عمل نظام اسمه ريفيرال خلاصته ان كل واحد فى الموقع هيجيب ناس تشتغل فى الموقع عن طريقه هياخد عدد من النقاط. ففجأة تلاقى نفسك اتحولت من شغل استبيان لشغل سبام. وتبعت اللينك بتاعك على كل الجروبات وكل صحابك عشان يدخلوا يشتغلوا من خلال اللينك بتاعك وانت بس اللى هتكسب مع انك عارف ان ده شغل اى كلام ومشهيجيب فلوس لحد فى الناس ديه الا لو عمل زيك واتحول لسبامر. وفى النهاية لا انت اتعلمت شئ مفيد ولا طورت من نفسك ولا حتى اخدت فلوس اللى وعدوك بيها الا لما طلعوا عينك فى وقت اطول بكتير من الللى قالولك عليه. الا ان كنت سبامر ناجح.

مواقع وشغل التسويق الشبكى والهرمي

Marketing

موضوع الاسويق الشبكي ده مش جديد فهو ظهر فى التسعينيات بعيدا عن عالم الانترنت ورجع فى الفترة الاخيرة انتشر بشدة على بعض المواقع على الانترنت. والى ميعرفش ايه هو التسويق الشبكي باختصار كدة هو انك تسوق لمنتج شخص وتاخد عمولة على كل عملية بيع ناجحة وتجيب حد يسوق لنفس المنتج وفى الحالة ديه لو هو باع من المنتج هو هياخد عمولة وانت كمان هتاخد عموله وهكذا. ونفس اللى كان بيتم فى الواقع بيتم على الانترنت. غالبا بيكون المنتج ثمنه ملاليم وانت بتقنع غيرك يشتريه ويسوقله لمجرد اعجابك بالفكرة. فتخيل اخى العزيز ان شبكة مكونة من 10 ادوار باع الفرع فيها منتج فاخذ عمولة وكل ال 9 مسوقين اللى قبليه اخد كل واحد فيهم عمولة عن بيع نفس المنتج. السؤال هنا كم يساوى منتج تم تحقيق عمولة ل 10 اشخاص فيه بنسب مختلفة خلافا عن ربح المصنع والموزع والناقل والمصاريف الجانبية ؟؟ لذا وصف البعض هذا النوع من التسويق انه اشبه ببيع الهواء وقد صدقوا.

مواقع أو شغل ما يسمي بالكابتشا كود

Captcha

الكابنتشا كود هو صورة صغيرة تظهر عليها مجموعة من الأحرف والأرقام عند قيامك التسجيل على أحد المواقع أو استخدام بعض خصائص اى موقع. والهدف من تلك الخطوة هو أن يقوم الموقع الذى تحاول التجسيل او التعامل معه أن من يقوم بالتعامل مع الموقع هو شخص طبيعى وليس مجرد برنامج من اعداد احد القراصنة او مخترقى المواقع لاختراق الموقع او عرض الاعلانات عليه بشكل غير قانونى بدون تصريح من ادارة الموقع. وغالبا ما يقدم أصحاب الأعمال من النوع ده إعلاناتهم على انه شغل داتا انترى وطبعا هو بعيد كل البعد عن الداتا انترى.

من اجل تدريب البرامج المتقدمة التى يقوم باعدادها بعض مخترقى النظم يحتاج هؤلاء إلى الاف الصور الى جانب النصوص الصحيحة التى تحتوى عليها حتى يتمكنوا من انشاء برنامج يستطيع تمييز تلك النصوص. فيقوم هؤلاء بتعيين اشخاص بالتعرف على تلك الاكواد وكتابة محتواها لاستخدامها فيما بعد لهذا الغرض. ومن الواضح ان الغرض من الاستخدام غير قانونى بالمرة.

وان كان هناك بعض الحالات التى يمكن استخدام فيها هذه الصور ونصوصها فى استخدامات شرعية غير مخالفة فإن العائد من مثل تلك الأعمال يكون ضعيفا جدا وفى معظم الاحوال لا يتم احتساب سوي الصور التى كتبت نصوصها بشكل صحيح وهو امر مرهق جدا ويتعب العينين ويحقق ربح ضئيل جدا لا يستحق العناء مطلقا. فإن كنت قوى النظر شديد الملاحظة ممكن تدخل ما يقارب ل 40% من الأكواد بشكل صحيح وده معناه إنك 40% فقط من وقتك سيتم محاسبتك عليه أما ال 60% اللى قضيتهم فى إدخال الكابتشا بشكل خاطيء لن يتم محاسبتك عليهم. ولذلك ذكرنا فى البداية أن شغل الكابتشا لا يعتبر داتا انترى مطلقا فشغل الداتا انترى اما حسابه بالساعة أو بعدد الكلمات أو الصفحات التى قام بإدخالها وليس جزء منها فقط.


أضف تعليقاً