سلسلة دروس كيفية الربح من الانترنت بالعمل على موقع فايفر (الجزء الثانى)

How to register @Fiverr

سلسلة دروس كيفية التسجيل والعمل على موقع فايفر

الجزء الثانى (إنشاء خدمة جديدة مميزة)

شكل الخدمة

أولا لازم نعرف إن الخدمة فى موقع فايفر إسمها Gig ولازم نعرف كمان ان اسم الموقع مشتق من فكرته وهى انه يقسم اى شغلانه كبيرة لمجموعة صغيرة جدا من الخدمات تكون كل خدمة منهم بمقابل 5$ فقط ومن هنا تم تسميته Fiverr. وده سبب ان اقل خدمة على الموثع مقابلها 5$ فقط ولكن من الممكن اننا نعرض خدمات بمضاعفات الـ 5$ زى ما نحب. كمان الموقع بيطلق على الفريلانسر اسم البائع seller وعلى العميل إسم المشتري Buyer.

حدود عرض الخدمات والتقديم على الطلبات

الموقع بيحدد لكل بائع جديد عليه انه يعرض حتى 7 خدمات Gigs بحد أقصى فى بدايته. وبيسمحلك انك تقدم على 10 طلبات خدمات بحد اقصى فى اليوم الواحد.

بعد ما البائع بيوصل البروفايل بتاعه لممستوى الأول بيقدر يعرض خدمتين اضافيتين فيبقوا 9 خدمات. وهكذا عدد الخدمات اللى تقدر تعرضها بيزيد مع مميزات تانية كل ما مستواك عل ىالموقع بيرتفع. وديه ممكن نفرد لها موضوع لوحده ان شاء الله لان فيها كلام كتير.  عشان منضيعش وقت كتير عليها فى الوقت الحالى.

خطوات انشاء خدمة جديدة (المراحل الستة لإنشاء الخدمة)

  • بعد ما خلصنا كل بياناتنا هندخل على الداش بورد من تانى هيظهرلنا الشاشة زى الصورة 1.
fiverr Fashboard
صورة 1

هنختار اللينك اللى متعلم عليه بالاصفر فى الصورة Your user profile is incomplete please ed..

  • هتظهرلنا الشاشة زى الصورة 2. ومنها هندوس على Create Gig لإنشاء خدمة جديدة وأول خدمة هنعرضها على الموقع.

New Gig

صورة 2

  • بعد ما هندوس على Create Gig هتظهرلنا شاشة جديدة فيها الجزء اللى فى الصورة 4

المرحلة الاولى من مراحل انشاء خدمة جديدة وعنوان المرحلة Overview

Gig Overview
صورة 3

رقم 1 فى الصورة هو عنوان الخدمة اللى هنقدمها وده اللى بيظهر على صورة الخدمة لما العملا بيفتحوا الخدمات عشان يختاروا منها. وفى الصندوق النصي كلمة I will ثابته واحنا بنكمل بعدها وبتكب بحد اقصى 80 حرف. وانا هبدا املى البيانات معاكم كأنى بنزل خدمة جديدة عن تصميم اللوجو او الشعار. فى الحالة ديه هكتب هنا مثلا جمب كلمة Iwill هكتب Design an amazing Logo.  العنوان كل ما يكون بسيط ومعبر عن نوع ومستوى خدمتك يبقى افضل من العناوين الطويلة.

خانة 2 فى الصورة بنختار منها التصنيف الخاص بالخدمة Category وفى حالتنا ديه التصنيف هو ال Graphics & Design وبعد ما بنختار التصنيف بيطلب مننا بيظهرلنا خانة للتصنيف الفرعى جمبها وبنختار منها هنا Logo design. بعد ما بنختار التصنيف الاساسي والفرعى بيظهرلنا الجزء اللى فى االصورة 4.

Gig Overview
صورة 4

الجزء رقم 3 فى الصورة 4 اسمه Gig Metadata وده بيكون فيه وصف البينات حسب نوع الخدمة. فى خدمة اللوجو هو عنده نوعين من البيانات اول حاجة الستايل الخاص باللوجو وزى ما فى الصورة 4 شايفين فيه 9 انواع styles متسجلة ونقدر نضيف حتى نوع غيرها باختيار Suggest other ونكتب فى الصندوق النصى اللى تحتها اسم الستايل الجديد. انا هنا هسيب نوع الستايل غير محدد زى ما هو اول اختيار not defined. وهدوس دلوقتى على File format اللى تحت كلمة  Style. هتظهرلى الشاشة اللى فى الصورة 5 واللى هختار منها التنسيقات اللى انا هشتغل عليها.

بعد كدة فى اخر خانة تحت بعنوان Search tags فى الجزء السفلى من الصورة 5. هكتب الكلمات البحثية الى لو العميل كتبها وهو بيبحث عن خدمة تظهرله خدمتى من ضمن نتايج البحث. ولينا نكتب حتى 5 بحد اقصى.  وفى الاخر هندوس على  Save & Continue باللون الأخضر فى يمين الشاشة تحت.

Gig Metadata
صورة 5

نروح بقى للصفحة اللى بعدها

المرحلة التانية من مراحل انشاء خدمة جديدة بعنوان Scope and pricing

واللى هتاخد مننا وقت شوية وديه صورتها

scope & pricing 1
صورة 6

رقم 1 فى الصورة بتبين انت فى انهى مرحلة من مراحل انشاء الخدمة ال 6 وهنا احنا فى المرحلة التانية هنلاقى كلمة pricing باللون الاخضر واللى بعدها باللون الرمادى عشان لسه مدخلناش بيانات خدمتنا فيه.

رقم 2 ده اختيار ان كنا عايزين نقدم الخدمة بنظام ال 3 رزم او 3 مستويات ولا هنقدم خدمة بسيطة من مستوى واحد. عشان نفعل نظام ال 3 مستويات خدمة بندوس على المفتاح اللى جمب كلمة 3 package نخليه باللون الاخضر زى الصورة اللى فوق.

ومستويات الخدمة هنا 3 اولهم ال Basic  والتانية ال standard واعلى مستوى هو ال Premium. والمفروض ان مستوى الخدمة بيتدرج بينهم يعنى فى ال standard نكون بنقدم حاجة زيادة عن اللى بنقدمها فى ال Basic   وفى ال Premium نقدم حاجة زيادة عن اللى بنقدمه فى مستوى ال standard. وده طبعا بينعكس على سعر المستويات بتتدرج بنفس الشكل. والعميل يقدر يختار مستوى واحد من الخدمة فى المرة الواحدة حسب الشغل اللى عنده.

رقم 3 ده بنحط اسم للخدمة ومينفعش هنا نعمل نفس الاسم فى ال 3 مستويات.

رقم 4 ده بنحط فيه وصف سريع لشكل الخدمة اللى بنقدمها فى كل مستوى.

رقم 5 بنختار منه عدد الايام اللى هنسلم فيها الشغل لكل مستوى. وهنا احب انبه لحاجة مهمة وهو ان فيه ناس بتحط اقل عدد من الايام عشان تبقى احسن من المنافسين فبيحددوا يوم واحد بس. ده شئ كويس لكن ليه عيب خطير وهو ان العميل يقدر يشترى خدمتك مباشرة بدون مراسلات مسبقة فانت لو اتشغلت فى يوم مثلا بالكامل او معظمه ممكن تيجى تفتح الموقع تلاقى عندك طلب خدمة مدفوع وفاضله ساعة وينتهى وقت التسليم. ساعتها انت هيتحسب عليك تاخير وده هياثر بالسلب على بروفايلك بعد كدة.

الحالة الوحيدة اللى نقدر نحدد فيها مدة التسليم بيوم هى اننا نكون متفرغين او متابعين للموقع ساعة بساعة ولو جالنا اوردر هنقدر نسلمه فى يوم فعلا حتى لو كنا مشغولين. ونصيحة مهمة جدا هنا يفضل جدا يكون معاك تليفون حديث فيه انترنت واندرويد عشان تنزل برنامج الموقع https://play.google.com/store/apps/details?id=com.fiverr.fiverr على موبايلك عشان تقدر ترد على الاوردرات اللى بتجيلك والرسايل فى لحظتها لان ده مهم جدا فى بروفايلك والتاخر فى الرد بياثر بالسلب على بروفايلك.

رقم 6 وده بيمثل عدد المرات اللى العميل يقدر يطلب منك فيهم التعديل على الشغل. وتقدر انت تحدد من صفر يعنى العميل هتسلمه الشغل مرة واحدة وميقدرش يطلب اى مراجعة او تعديل عليه لحد اى عدد من التعديلات او المراجعات انت ممكن تقدمه وتقدر تختار لحد مالانهاية من المراجعات.  وان كان مالانهاية ده غيرواقعى لكنه لازال اختيار متوفر فى الجزء ده وهو لا يمثل الا اعطاء الثقة للعميل اننا هنفضل معاه لحد ما يكون راضي تماما عن شغلنا.

رقم 7 ده عدد الشعارات اللى هنقدمها لكل مستوى خدمة. ممكن نقدم شكلين مختلفين مثلا للشعار فى خدمتنا او اكتر.

رقم 8 هنا هو تشيك بوكس خاص بالملف المصدر الخاص بالشعار. لو سيبناه فاضي يبقى احنا غير ملزمين اننا نسلم العميل ملف التصميم نفسه وممكن نسلمه الشعار فى فايل بى دي اف او بي ان جي او جيه بي جي.  ومعظم الناس فى مجال التصميم بيقدموا الخدمة ال  Basic بدون ملف التصميم نفسه اللى ممكن العميل يطلبه لو طلب مستوى الخدمة ال Standard. لكن احنا فى البداية ممكن نسلمه عادى لحد ما نعمل يكون لينا تقييم كويس على الموقع وبعدين نعمل زى باقى الناس.

وديه صورة لنفس الاجزاء بعد ما مليتهم بالبيانات (صورة 7) الخاصة بخدمة تصميم اللوجو.

scope & pricing 2
صورة 7

فى الصورة اللى تحت ده الجزء التانى من الصفحة نفسها وواضح انها كلها حاجات ليها علاقة بطبيعه الخدمة نفسها عشان كدة هنلاقيها بتختلف معانا حسب نوع الخدمة اللى بنقدمها. هنا رقم 1 فى الصورة الجديدة هل اللوجو اللى هتعمله ليه خلفيه شفافه ؟

رقم 2 الاخ اللى بيجهز الصور وقع 2 من الترتيب معلش (مخصوم منه يومين 🙂 )

رقم 3 ده هل هتقدم تصميم عالى الدقة. ورقم 4 هل هتقدم تصميمك على موك اب ثلاثي فى صورة ثلاثية الابعاد.

اعتقد مفيش داعى نكمل النقاط الفنية ونتكلم فى المهم بس اللى هو رقم 8 السعر اللى بنحدده لكل مستوى خدمة وزى ما شايفين في الصورة 8  اللى على الشمال ده الخدمة ال Basic اقل سعر والسعر بيتدرج ويبقى اعلى فى المستوى اللى على اليمين اللى هو ال premium وهنلاحظ اننا مقدمين فيه مميزات اكتر من المستويين اللى قبله زى مثلا فى رقم 4 احنا عرضنا تصميم ثلاثي الابعاد لللوجو فقط فى المستوى الاعلى من الخدمة وكمان هنديله ملف التصميم نفسه وكمان اديناله عدد غير محدود من المراجعات زى ما باين فى الصورة 7.

scope & pricing 3
صورة 8

بعد ما بنخلص المميزات الرئيسية اللى هنقدمها فى خدمتنا بالمستويات ال 3 بتوعها فيه حاجة اسمها اكستراز أو إضافات وديه ميزة جميلة اوى بتسمحلك تعرض على العميل حاجات اضافية بمقابل انت بتحدده زى مثلا تعرض على العميل فى الحالة بتاعتنا ديه انك تصممله كارت بيزنس وتحط عليه اللوجو اللى انت صممته ده وهكذا. فى الصورة 9 انا مليت بيانات افتراضية عن اضافات انا حطيتها لخدمة تصميم اللوجو هشرحها تحت الصورة.

Gig Extras
صورة 9

فى الصورة 9 الاضافات اللى هنعرضها على الخدمة بتاعتنا. بس الاول مهم نعرف اننا ممكن نعرض الخدمة بتاعتنا بدون اى اضافات خالص. ده جزء اختيارى ممكن تسيبه خالص عادى ومنختارش حاجة منه.

اول حاجة فى الصورة Extra fast delivery  وديه مقصود بيها انك ممكن تسلم الخدمة فى وقت اقل من اللى انت محدده فى الخدمة نفسها فانا فوق هنا محدد عدد ايام اقل بيوم واحد فى كل مستوى ومحدد كمان المقابل فى كل مستوى.

تانى حاجة ال Additional revisions وديه انا سايبها فاضية لان نادرا ما عميل هيدفع فلوس مقابل مراجعات اضافيه لشغله بس ممكن انت تحددها او تسيبها حسب طبيعة خدمتك.

تالت حاجة Additional logo  لو العميل حب تعمله تصميم اضافى لنفس الشغل. وفى الحالة ديه انت بتحدد عدد الايام الاضافية اللى هتزودها على مدة الخدمة عشان تسلم الشغل + الاضافة لو العميل طلبها.

رابع حاجة هو ملف المصدر وده ممكن العميل يطلبه كاضافة لو كان مشترى الخدمة من المستوى ال Basic اللى احنا فيها فى المثال ده محددناش على تسليم ملف التصميم فالعميل لو احتاجة وهو شارى المستوى ده ممكن يطلبه كاضافة.

خامس حاجة 3D Mockup  وده احنا بنقدمة فى المستوى ال Premium  فقط فبنعرضه هنا لو العميل اشترى مستوى خدمة اقل ممكن يطلبه كاضافة بمقابل.

فى الاخر هنلاقى لينك + Add Gig Extras وده لو احنا عايزين نعرض اضافة غير اللى شوفناهم زى ما قولنا من شوية مثلا نعرض تصميم كارت بيزنس ووضع اللوجو عليه وهنا بنحدد اسم الاضافة ونوصفها ونحدد سعرها وعدد الايام الاضافية اللى هنحتاجها لتسليمها. بعد ما نخلص كل ده هندوس على Save & Continue.

بعد ما خلصنا بيانات ال Overview  وال Pricing هندخل على

المرحلة الثالثة من مراحل انشاء خدمة جديدة وعنوان المرحلة  Description & FAQ

وده جزء بنكتب فيه كل اللى العميل هيحصل عليه لما ييشترى خدمتك وده بالظبط زى ال Cover letter اللى كنا بنقدم بيه على شغل فى مواقع زى ابورك وفريلانسر. واحسن طريقة عشان نعرف نكتب وصف ممتاز لخدمتنا اننا نعمل بحث فى الموقع باسم الخدمة بتاعتنا ونستعرض الخدمات المنافسة من نفس النوع ونشوف كاتبين ايه ونحاول نقتبس منهم مع التعديل والتحسين والتغيير.

وده اللى انا عملته فى الصورة 10 اخدت كوبي من وصف خدمة منافسه وحطيته على وورد فايل وعدلت فيه حسب اللى انا هقدمه فى خدمتى وظبطته وشيلت اللى انا مش محتاجه ونزلته هنا.

Description & FAQ
صورة 10

فى كمان فى نفس الصورة اللى فوق حاجة اسمها Frequently Asked Questions وهنا مقصود بيها الأسئلة اللى العملا بتوعك دايما بيسألوهالك وانت هنا بتكتب السؤال وإجابتك عليه عشان توفر على العميل انه يدخل يسألك نفس السؤال فى رسالة خاصة. طبعا انا لسه متعاملتش مع عملا يعنى مفيش عميل سألنى عن حاجة قبل كدة تخص خدمتى. بس مش شرط العميل يسألنى الأول انا ممكن اكتب اى سؤال ممكن يخطر على بال العميل واجابته.

هنخلص الجزء ده وندوس على Save & continue هيظهرلنا

 الجزء الرابع من مراحل انشاء الخدمة بعنوان Requirements

 وده بتكتب فيه الحاجات اللى العميل لازم يقدمهالك عشان تقدر تقدمله الخدمة وفى المثال اللى احنا شغالين عليه الخاص باللوجو ممكن منطلبش منه غير وصف لشكل اللوجو وخلاص بس ممكن يكون عنده لوجو قديم عايز يطورة فممكن تكتب انت لو فيه صورة او لوجو قديم انه من متطلبات الخدمة بحيث ان الاوردر بتاع العميل مش هيبدا غير لما يبعت الفايلات المطلوبة ويجاوب على كل المتطلبات اللى انت حددت انها اساسية فى خدمتك.  بعد ما هنكتب المتطلبات (صورة 11) هنضغط على save & continue.

Requirements
صورة 11

هنوصل للمرحلة الخامسة من مراحل انشاء خدمة جديدة وهى بعنوان Gallery

زى ما هو موضح فى الصورة 12 وهنا بتقدر تحط صور تعبر عن الخدمة بتاعتك وممكن تحط فيديوا كمان لو  عندك او فايل امتداد PDF.  واذا كان كل خطوة فى الخطوات السابقة مهمة جدا نهتم بتفاصيلها الا ان الجاليرى هو يعتبر اهم عنصر من عناصر الخدمة بتاعتك على موقع فايفر لانه ببساطة اول حاجة عين العميل بتيجى عليها وهو بيدور على خدمة من النوع بتاعك. لازم الصورة تكون جذابة، ملفته للنظر، واضحه، خاصة بيك بمعنى متنزلش صورة من على النت وتحطها كصورة لخدمتك لان ممكن الموقع يرفض يعرض خدمتك من الاساس فى الحالة ديه. ونفس الكلام فى الفيديو متنزلش فيديوا من على اليوتيوب وتحطه على خدمتك لانه بالتاكيد هتترفض خدمتك على الموقع وممكن حسابك يتقفل خالص فى الحالة ديه لمدة 3 شهور. اللى المفروض تعمله انك تنزل صورة احسن لوجو انت كنت عامله. وبصرف النظر عن نوع الخدمة حاول انت تنزل صورة انت اللى واخدها تعبر عن شغلك حتى لو اضطريت تخلى صديق محترف فى الفوتوشوب يعملك صورة خاصة بيك او فيديو قصير.

من حقك كمبتديء انك تحط صورة اساسية لخدمتك اللى هتظهر للمشترين على الموقع ومعاها صورتين كمان حد اقصى وليك 3 فايلات فيديو حد اقصى و3 فايلات PDF ايضا حد اقصي. علما ان الحد ده بيزيد لما مستواك فى الموقع بيرتفع.

بعد ما هنخلص وضع الصور هنضغك على save & continue.

Gig Gallery
صورة 12

هنوصل للجزء السادس والاخير من مراحل  انشاء الخدمة بعنوان Publish

  زى ما فى الصورة 13.

هنا صورة 13 بيقولك تهانينا احنا تقريبا خلصنا. بس قبل ما تنزل خدمتك لازم تكتبلهم رقم تليفونك كاجراء امنى وبيبعتلك عليه كود تفعيل بتدخله على الصفحة.

Almost there
صورة 13

بعد ما بتدخل كود التفعيل بيدخلك على الشاشة اللى فى صورة 14

Publish Gig
صورة 14

بتدوس على Publish Gig هتظهرلك الشاشة ديه صورة 15

Its Alive
صورة 15

كده الخدمة اتقدمت للموقع خلاص بيراجعها ويبعتلك ايميل بعدها يعرفك ان كان اتوافق عليها ونزلت او لو فيه مشكلة فيها بيقولك عليها.

دلوقتى نقدر اننا ندوس على Done  وانتهى دورنا لحد كدة من اللحظة ديه ممكن اى عميل بمجرد موافقة الموقع على الخدمة يتصل بينا اى عميل عن طريق الرسايل الخاصة او حتى يشترى الخدمة مباشرة بدون مراسلة مسبقة.

بس احنا هنا نقدر نعمل حاجة عشان ننشر بيها الخدمة بتاعتنا بشكل اكبر ونوصلها لعملا اكتر محتملين. لو شوفنا الصورة اللى فوق قبل ما ندوس Done  فيها من تحت مجموعة شعارات لمواقع التواصل الاجتماعى فيس بوك وتويتر وجول بلس ولينكد ان وفيه لينك ايميل كمان جمبهم. طبعا انا بنصح اللى هيشتغل على فايفر انه يعمل لنفسه اكاونت على كل المواقع ديه وده شئ مهم جدا.

انا دلوقتى عامل للاكاونت ده حساب على الفيس بوك هنشر عليه الخدمة. فهدوس على لوجو الفيس بوك هنظهرلى الصورة ديه (لو انت مفتحتش الاكونت بتاع الفيس بوك على البراوزر ده قبل كدة ممكن يطلب منك الايميل والبسورد الاول بتاع حسابك وبعدين يدخلك على الصفحة ديه(صورة 16))

Post Gig to Facebook
صورة 16

من الصفحة ديه ممكن اننا ندوس على Publish to Facebook مباشرة او لو عايزين ممكن نكتب اى حاجة فى البوست هتبقى ظاهرة قبل لينك ال Gig بتاعتك.

بعد ما دوست Publish to Facebook دخلت على الوول بتاع حسابى على الفيس بوك عشان اتاكد انها نزلت عليه وهى بالفعل نزلت زى ما فى الصورة 17

Gig Posted to Facebook
صوؤة 17

بكدة كل الاصدقاء اللى عندى هتظهر عندهم ال Gig بتاعتى اللى انا نشرتها.

وفى الاخر هيرجعنا المتصفح للصفحة الىى فى صورة 16 تانى وهندوس على Done.

وده هيكون شكل ال Gig على صفحة My Gigs اللى بيظهر فيها كل ال Gigs اللى احنا منزلينها. صورة 18

My Gigs
صورة 18

بكدة يبقى خلصنا الجزء التانى وإلى أن ألقاكم فى الجزء التالت الخاص بالترويج ونشر الـ Gigs التى نقوم بعرضها على فايفر.

دمتم فى رعاية الله

وتمنياتى بالتوفيق والنجاح للجميع.

أتمنى إن وجدتم أى معلومة أضافت إلى علمكم شيئا من هذا الدرس ألا تنسونا بالدعاء.

رابط الجزء الأول (كيفية التسجيل على موقع فايفر بالصور والخطوات)

Guru: 10 Profile Mistakes That’ll Cost You The Gig

Guru

As a freelancer on Guru.com, you really are one in a million. One in 1.7 million, to be more precise! How can you stand out to employers and win more jobs? Start by avoiding these common profile mistakes and you’ll be miles ahead of the competition.

Mistake #1: Viewing Your Profile As An Afterthought

Providing employers with an accurate profile is the first step of getting hired. If your profile is lacking, employers have no way of judging whether you have the skills and experience they need. In fact, if you don’t add any services, you might as well not have an account because employers won’t be able to find you on Guru!

Help clients get to know you as easy as possible by providing a profile that has character. Upload a quality profile photo (logos are OK but not as effective). Introduce yourself and your company, and spell out what you can do for employers by adding services. Remember to include keywords so your services show up for relevant searches.

Mistake #2: Letting Your Profile Get Stale

Once you’ve completed your profile, you can’t simply let it set. Your profile should reflect your current skills and best work at all times. If you haven’t updated it in over a year, it’s probably out of date.

Keep your profile fresh to attract new employers. Add new work collections to your portfolio and attach them to your services. Revisit your work terms regularly. Ask employers to leave you feedback every time you finish a job. Expand your offerings by identifying current in-demand skills and taking skill tests to prove your knowledge.

Mistake #3: Writing Generic Titles & Descriptions

If your services look identical to everyone else’s, you will have a difficult time getting hired. Focus on why you’re different or unique. How do the services you offer relate to your unique vision? Anyone can master a skill, but not everyone can offer the expertise that you’ve built up in your body of work.

Put yourself in an employer’s shoes. Use the same language they would when looking for a freelancer like you. Search for jobs that interest you, and see what keywords employers use in the descriptions. Make sure you include those terms in your service descriptions. The more you use a given keyword, the higher you’ll rank for it!

You can also take a look at what other freelancers are doing. Search for services that are like yours, and study those that are ranking well.

Finally, attach work collections to your services so employers see an image alongside your services.

Mistake #4: Lack of Personal Brand

Your profile is where you get to express who you are and how you work. The language you use is important when developing your brand, and pitching incorrectly will cost you clients. Too informal and you could come across as unprofessional, while too formal could prove too impersonal for some employers’ tastes.

Keep your intended audience in mind. How do they want to be talked to? Try to write in a way that speaks to them and their needs. If you want to work with larger companies, a formal tone is a safe bet. However if you work in a creative industry you can use a more informal tone.

Mistake #5: Empty Portfolio

Unless you show examples of your work, an employer may not feel confident in hiring you. The work collections in your portfolio help attract attention to your services. Attach a work collection to a service and its cover image will show next to that service in search results.

If you don’t have any previous freelance work to show, get creative. You can create work examples just for your portfolio. For example, if you are starting a freelance writing business you can write a sample blog post even if an employer didn’t hire you for it.

If the type of work is not visual, you can create a work collection and upload a word document, PDF or video explaining the work you did. Talk about the employer’s needs and how you met (or exceeded) their expectations. For the work collection’s cover image, design a simple image that spells out your service or represents it. For example, if you offer accounting services you could upload a photo of coins on top of a book.

Mistake #6: Cluttered Portfolio

On the other end of the spectrum, putting everything you’ve ever done in your portfolio isn’t the best strategy. If you show too much, employers could be overwhelmed and miss your best work.

Select the work you display in your portfolio with care, and organize it by project or client. Try to represent each of your services with at least one work collection. You should be equally proud of each and every piece you add. Quality over quantity!

Mistake #7: Grammar Errors

The quickest way to scare off an employer is to use poor grammar on your profile. They might assume you are as careless in your work as you are in your writing. Not to mention, poor grammar can make it hard for employers to understand you. Communication is key to success as a freelancer, so you need to be able to clearly state your work terms and expectations.

Proofread everything you write on your profile and check for these common grammar mistakes. Not a native English speaker? Consider asking a fellow freelancer who specializes in English translation to help.

Mistake #8: Lack of Confidence

If you don’t believe in yourself, who will? Employers want to work with freelancers who assure them that they will deliver quality results.

While you shouldn’t pretend to have skills you don’t, never talk down about your abilities. Prove your skills by taking skill tests and adding your best work in your portfolio. Avoid using phrases like, “I’m just getting started” or, “I hope to one day achieve…”.

Mistake #9: Charging Too Little For Services

It is a common misconception that freelancers have to price their services low to succeed. Many freelancers begin by undercharging for their work — and then get stuck in an endless cycle of mediocre gigs.

Charge what you are worth! To start, take a look at what other freelancers are charging for similar quality and type of work. Then figure out what you need in order to support the lifestyle you want using this handy calculator. As long as you’ve completed your profile, an employer will have plenty of proof that you can do what you say. The more information and work collections you add to your profile, the easier it will be to justify your fees.

Mistake #10: Marketing Yourself as “We”

If you are a one-person shop, make sure your employers know this even if you run your freelance business under a corporate name. You don’t want to give the impression that you have an entire staff working on various roles when it’s just you. Be clear on who you are, what you do, and what you don’t do.

 

By:

Anna Bassham

Communications Manager

الممنوعات العشر على موقع فايفر

Fiverr Don't

 الممنوعات العشر على موقع فايفر

1- ممنوع النشر على صفحة طلبات المشترين Buyers Requests

هذه الصفحة مخصصة للمشترين فقط (العملاء) بحيث يقدروا ينشروا عليها طلبات العمل اللى هما محتاجينه يتعمل. بالنسبة لاستخدام الفريلانسر على هذه الصفحة يقتصر على انه يقدم على طلبات الخدمات اللى عليها فقط (راجع هذا  الموضوع لتعلم كيفية التعامل مع صفحة طلبات المشترين).

النشر على صفحة طلبات المشترين عواقبه هى ان الموقع هيقفل حسابك اما لمدة 6 شهور فقط او ممكن يقفله بشكل نهائى. وراعى ان فايفر لما بيوقف حساب او بيقفله مش بيسمح لصاحبه انه يسحب فلوسه اللى عليه.

2- ممنوع إرسال ملفات الشغل فى رسائل خاصة

سواء كانت رسائل خاصة على فايفر نفسه او رسائل خارج الموقع يجب ارسال ملفات العمل فقط من خلال صفحة الطلبيات Orders فقط من خلال رابط او لينك المكتوب عليه Deliver work.

قلنا من قبل إن من أهم مميزات موقع فايفر إنه يسمح للفريلانسر إنه يحدد عدد المرات اللى يقدر العميل يطلب فيها تعديل reversions  اثناء إنشاء الخدمة بحيث لما العميل بيشترى الخدمة بيكون عارف ان من حقة طلب عدد معين من التعديلات يقدر يطلبها بشكل رسمي من العميل. لدرجة انه فى بعض الاحيان بعض الفريلانسرز بيقدموا خدماتهم بدون امكانية طلب اى مراجعات على الاطلاق. فى الحالة ديه لو الفريلانسر سلم شغلة بشكل رسمي بالطريقة التى تحدثنا عنها فى الفقرة السابقة يكون امام العميل عند الحاجة لطلب تعديل احد امرين اما قبول العمل اوطلب تعديل مدفوع (عن ).

أما اذا قام الفريلانسر بتسليم ملفات العمل من خلال رسالة خاصة بغير الطريق المحدد لذلك فسيخسر بذلك هذه الخاصية الهامة. ولن يتخلص ابدا فى هذه الحالة من طلبات التعديل المتتالية من العميل.

3- ممنوع استخدام الصور التى تحمل حقوق نشر واستخدام دون الحصول على هذا الحق

العديد من الفريلانسرز على موقع فايفر يقومون بنسخ الصور من على الانترنت واستخدامها كصور معبرة عن الخدمة الخاصة بهم دون الاكتراث بحقوق الملكية.

ويمثل ذلك خطأ فادحا لسببين:

الأول هو ان فى معظم الاحوال يكتشف موقع فايفر انك لم تحصل على حق استخدام هذه الصور من مصدرها وبالتالى يقوم برفض نشر خدمتك وفى بعض الاحيان قد يؤدى ذلك الى ايقاف حسابك نفسه على الموقع.

الثانى وهو ان معظم تلك الصور المستخدمة تكون شائعة الاستخدام بشكل كبير وربما رآها العميل من قبل اكثر من مرة وسيتعرف عليها بسهولة. وهذا سيعطى انطباع سيء لدى العميل قد يدفعه عن شراء خدمتك.

الحلول البديلة:

أولا: هناك العديد من الموقع التى توفر صور مجانية وعالية الجودة. يعض تلك المواقع يعطيك الحق فى استخدام تلك الصور كافة الاستخدامات. يمكنك اذا البحث فى تلك المواقع عن ما يناسب لتقديم خدمتك وتستخدمة مباشرة. ويمكنك كذلك اجراء اى تعديلات بسيطة عليه باستخدام برنامج الرسوميات الخاص بالويندوز باضافة عنوان خدمتك مثلا او اهم مميزاتها.

ثانيا: ان كنت تجيد استخدام الفوتوشوب فالحل الامثل هو استخدام صورة من تصميمك الخاص لهذا الغرض. وإن لم تكن تجيد استخدامه يمكنك حتى ان تطلب من احد الاصدقاء اعداد هذا التصميم لك. بل من الممكن حتى ان تقوم بشراء خدمة تصميم صورة لخدمتك من موقع فايفر او خمسات وهى من الخدمات الرائجة جدا على الموقعين. وتذكر ان هذا يعتبر بمثابة استثمار لك فكلما استثمرت فيه حقق لك عائدا اكبر ودفع ذلك العملاء للاستثمار فى خدمتك ايضا.

4- ممنوع كتابة بيانات خاطئة لوصف خدماتك

نلاحظ ان الكثير من الفريلانسرز يلجأون إلى الادعاء بان لديهم خبرة طويلة فى تقديم خدماتهم. ويعتقدون بذلك أن هذا سيساعدهم على الحصول على مشترين لخدماتهم الجديدة.

يلجأ ايضا البعض إلى القول بانهم يستطيعون تقديم خدمات لا يعلمون شيئا عنها حتى.

فى الحقيقة هم على صواب فى تفكيرهم. فالمشترين غالبا سيشترون فقط الخدمات المباعة ولها تقييم جيد جدا. لكنهم اخطأوا فى اختيار الحل الصحيح وحساب عواقب ادعاء الخبرة.

بالاضافة الي ذلك اذا اشترى احد العملاء خدمة لمدعى الخبرة فسيتوقع مستوى متقدم لهذه الخدمة لن تتمكن من تقديمه طالما لا تمتل الخبرة التى ذكرتها فى وصفك للخدمة التى تقدمها. وفى هذه الحالة سيكون من الطبيعى ان لا يرضى العميل عن مستوى الخدمة المقدم له. ومن ثم قد يقوم بالغاء العمل او قبوله واعطائك تقييم سيء. وفى الحالتين سيضرك ذلك كثيرا على المستوى البعيد والقريب. فقد يشترى العملاء خدمات جديدة لفريلانسرز بدون خبرة ولكن لن يشترى اى عميل خدمة حاصلة على تقييم عام سيء ابدا.

اذا كن صادقا وامينا فى وصف خبرتك فى تقديم تلك الخدمة ولا تقلق من عدم وجود مشترين. فغالبا ما تكون مرحلة ما قبل بيع اول خدمة هى الاصعب. ومن ثم ستتوالى الطلبات على تلك الخدمة. كما يمكنك اللجوء الى العديد من الاساليب المشروعة للترويج لخدماتك الغير مشتراه.

5- لا تكتب وصفا قصيرا لخدمتك

فإن ذلك يعطي انطباعا بان مقدم الخدمة غير مكترث بوصفها بالشكل الملائم. واذا جريت بحثا سريعا ستكتشف بنفسك ان الخدمات التى لها وصفا دقيقا مطولا اكثر مبيعا من تلك التى لها وصفا قصيرا.

6- لا تتأخر فى الرد على الرسائل الخاصة

وقت الرد على العملاء من اهم العناصر التى تستخدم لتقييم ادائك على الموقع. فحصولك على معدل رد سريع على رسائل العملاء سيعطى انطباعا جيدا لدى العملاء عنك. وعلى النقيض من ذلك قد يحجم العملاء عن شراء خدماتك ان كان معدل ردك على رسائل العملاء طويلا نسبيا (اكثر من ساعتين.

أفكار ستساعدك على سرعة الرد على العملاء 

  • ينضح بشدة ان يتوفر لديك هاتف ذكى يحتوى على انترنت طوال الوقت.
  • تأكد من انك متصل على حساب بريدك الالكترونى الذى استخدمته للتسجيل على الموقع.
  • سيرسل لك الموقع بريدا الكترونيا بكل تحديث يصلك بما فى ذلك رسائل العملاء.
  • تاكد من انك قمت بتفعيل التنبيه الصوتى على هاتفك الذكى لتنتبه لكل رسالة جديدة تصل الى صندوق بريدك الالكترونى.
  • قم بتنزيل تطبيق فايفر على هاتفك الذكى من موقع جوجل بلاى ستور.
  • سيقوم التطبيق بتنبيهك عند استلام اى رسالة او تحديث بنغمة صوتية.
  • اختر نغمة صوتية مميزة حتى تستطيع تمييزها عن باقى التنبيهات على هاتفك.
  • الاهم من كل ما سبق قم بالرد على ما يصلك من رسائل فى الحال.
  • إن كنت مشغولا ولا تستطيع قراءة الرسالة يمكنك ارسال رد سريع للعميل بانك ستقرا رسالته بعد كذا من الوقت وشكرا على تفهمك وانتظارك.
  • ان كنت فى الخارج ووجدت ملفات لا يمكن فتحها الا على الكمبيوتر فقم بالرد على العميل وابلغه انك قرات رسالته وسترد عليه فور وصولك لمكتبك وتنزيل المرفقات والاطلاع عليها.

7- لا تعرض مدة تسليم ابعد من المعدل الطبيعى

عند قيامك بانشاء خدمة جديدة يجب عليك مطالعة الخدمات الموجودة على الموقع من نفس النوع. ومراعاة ان المدة التى ستحددها للانتهاء من خدمتك لا تتعدى متوسط المدد لباقى الخدمات المعروضة من نفس النوع. وبصفة الخاصة تلك الخدمات الاكثر مبيعا. والحالة الوحيدة التى يمكنك فيها ان تتعدى تلك المدة هى ان تقدم الخدمة بشكل مختلف يتطلب المزيد من الوقت للانتهاء منه. أو ان تعرض سعر اقل من الجميع مقابل وق اطول للتسليم.  لكن ان كانت خدمتك بنفس الشكل كما فى باقى الخدمات من نفس النوع فلا يمكنك  عرض مدة اطول. وإلا العميل سيختار الخدمة المعروضة باقصر وقت للتسليم.

8- لا تقبل عدد طلبات شراء لخدماتك  اكثر من اللازم

كثير من الفريلانسرز يعتقدون انهم يجب ان يقبلوا جميع الطلبات التى تاتيهم لعدم تفويت اى فرصة لمضاعفة الارباح. وغالبا ما يتنهى بهم المطاف بالعجز عن تسليم بعض الخدمات فى وقتها. ويترتب على ذلك الحصول على تقييم سيء وعواقب اخرى منها ان الموقع قد يصنفك  كبائع من درجة اقل من درجتك الحالية.

الحلول المقترحة: 

  • اكتب فى نهاية وصف كل خدمة من خدماتك تنبية للعملاء بضرورة مراستلك اولا قبل الاقبال على شراء الخدمة. سيمكنك ذلك من تحديد الوقت المناسب لتسليم الخدمة وفقا لجدول اعمالك.
  • يمكنك تحديد الحد الاقصى للطلبات من كل خدمة فى نفس الوقت. بمعنى ان حددت هذا الرقم بـ 3 مثلا فان كان لديك ثلاث طلبات لا تزال تعمل عليها فلن يستطيع اى عميل ان يشترى نفس الخدمة قبل ان تقوم بتسليم واحدة من هذه الخدمات الثلاثة.
  • ان كان لديك الكثير من الطلبات ولا يمكنك قبول اى طلبات من اى خدمة من الخدمات التى تقدمها فى هذه الحالة يمكنك تشغيل خاصية او اشعار “Vacation mode ” والتى تعنى انك فى اجازة ولا يمكنك قبول اى طلبات على اى من خدماتك (راجع هذا الموضوع لمعرفة طريقة القيام بذلك).

9- لا تقوم بتسليم خدماتك متاخرا عن موعد تسليمها ابدا

بعض الفريلانسرز يلجأون إلى تقديم مدة تسليم اقصر مما يستلزمه العمل على سبيل المنافسة مع باقى مقدمى الخدمة. ويعتبر ذلك خطأ كبيرا فتسليم الخدمة فى موعدها هو من اهم عوامل نجاح أى فريلانسر ومن اكثر العوامل التى تؤثر على قرار العميل حول شراءه خدمتك. لذا حاول ان تجعل عناصر التنافس مع باقى مقدمى الخدمة على الموقع بعيده كل البعد عن موعد التسليم. فيمكنك المنافسة فى السعر والجودة او اى عنصر اخر الا موعد التسليم الا ان كنت واثقا انه يمكنك التسليم فى الوقت الذى حددته. وواثقا ايضا انك ستتمكن من الانتهاء من الخدمة قبل الموعد بمدة كافية للتصرف فى حال حدوث اى طارئ.

10- لا تقوم بالغاء تفعيل خاصية العلامة المائية على خدماتك

هذه الخاصية تكون مفعله تلقائيا على كل الخدمات التى تقوم بإنشائها. وتعنى ان الموقع يضع علامة مائية على الصور التى تستخدمها فى وصف خدمتك. واهمية هذه الخاصية تتمثل فى منع استخدامها من قبل الاخرين خاصة ان كانت من تصميمك الخاص.

فاذا قمت بالغاء تفعيل هذه الخاصية سيتمكن مستخدمى الموقع من الحصول على تلك الصور واعادة اسخدامها لعرض خدمة مماثلة او فى اى شيء اخر.

مواضيع ذات صلة

إذا كنت جديد على موقع فايفر فيمكنك قراءة سلسة الشرح الخاصة بي والتى حققت اعلى نسبة مشاهدة على الموقع. وهى مكونة من ثلاث أجزاء:

الجزء الأول: التسجيل على الموقع  

الجزء الثانى: كيفية إنشاء خدمة جديدة بشكل احترافى

الجزء الثالث: كيفية الترويج لخدمتك والتقديم على طلبات المشترين

شكرا على متابعتكم ونتمنى لكم التوفيق فى اعمالكم وتحقيق اعلى المبيعات من خدماتكم.